U Minachovy zdaroŭja raspaviali, jak i ŭ jakim uzroście dzieci pavinny prachodzić miedahlady i atrymlivać daviedki

Miedycynskaja daviedka, vydadzienaja ŭ miesiac naradžeńnia dziciaci, nie patrabuje dadatkovaha ahladu ni da pačatku navučalnaha hoda, ni pa patrabavańni dyrektara. Atrymać takuju daviedku možna i ŭ pryvatnym miedcentry, ale doktar abaviazany spytać vypisku z kartki pa miescy žycharstva. Pra arhanizacyju praviadzieńnia miedahladaŭ dziaciej i afarmleńnie daviedak raspaviała načalnik adździeła miedycynskaj dapamohi maci i dzieciam Ministerstva achovy zdaroŭja Ludmiła Lohkaja.

Miedahlad dzieci pavinny prachodzić raz na hod — u miesiac svajho naradžeńnia ci maksimalna nabližanyja da hetaj daty terminy.

— Heta daje mahčymaść płanava arhanizavać pracu pa vydačy mieddaviedak, paźbiehnuć masavaha patoku dziaciej u pačatku navučalnaha hoda i kožnamu doktaru nadać dastatkovuju ŭvahu jakasnamu ahladu. Heta daje mahčymaść i baćkam zadać usie pytańni pra stan dziciaci, jakija ich cikaviać, — patłumačyła Ludmiła Lohkaja.

U daviedcy prapisvajecca kompleksnaja acenka stanu zdaroŭja dziciaci: dyjahnaz, emacyjny stan arhanizma, rezistentnaść, pakazvajecca hrupa dla zaniatkaŭ pa fizkultury i hrupa zdaroŭja. Kožny hod dzieci pavinny zdavać analizy kryvi i mačy, u ich vymiarajuć vahu, rost, vastryniu zroku, arteryjalny cisk, praviarajuć vypravu. Kali ŭ doktara-piedyjatra ŭźnikajuć pytańni, jon nakiroŭvaje dzicia na dadatkovyja abśledavańni.

Śpiecyjalist padkreśliła, što dadzienaja mieddaviedka nie patrabuje dadatkovaha ahladu na praciahu hoda: ni da pačatku navučalnaha hoda, ni pa patrabavańni dyrektaraŭ škoł. Ź Ministerstvam adukacyi, pa jaje słovach, dasiahnutaje poŭnaje razumieńnie pa takich patrabavańniach.

Pahłybleny ahlad uklučaje ŭ siabie naviedvańnie vuzkich śpiecyjalistaŭ i pravodzicca va ŭzroście 3 hadoŭ pierad dziciačym sadam, u 6 hadoŭ — pierad škołaj, u 12 hadoŭ i ŭ padletkavym ŭzroście z 15 da 17 hadoŭ — štohod. U chłopčykaŭ hety pieryjad supadaje z pačatkam pryzyŭnoha ŭzrostu, i ahlad pravodzicca dla vajenkamata. U 9-11 kłasach daviedka dla pastupleńnia robicca adrazu paśla zimovych kanikuł, a ŭ 12 hadoŭ — letam.

Pahłybleny ahlad praduhledžvaje i vizit dziaŭčat da hiniekołaha. Treciahodki naviedvajuć jaho pierad afarmleńniem u dziciačy sadok. Kali takoha ahladu nie było, to dziaŭčynku nakiroŭvajuć da ŭrača ŭ 6 hadoŭ.

— Heta robicca dla taho, kab vyklučyć pryrodžanyja asablivaści raźvićcia, acanić hihijeničny dohlad. Pry ahladzie pavinny prysutničać baćki. Dziaŭčynku treba padrychtavać da taho, što heta važna, i rastłumačyć, dla čaho heta treba, — patłumačyła Ludmiła Lohkaja.

Raniej nastupny abaviazkovy pachod da hiniekołaha dla dziaŭčat byŭ u 12 hadoŭ, padčas pačatku pałavoha paśpiavańnia. Ciapier u hetym uzroście ahladu niama. Ale štohadovyja ahlady pačynajucca z 15 hadoŭ.

Daviedku možna aformić i ŭ pryvatnym miedcentry, paćvierdziła Ludmiła Lohkaja, ale źviarnuła ŭvahu, što doktar u takim vypadku pavinien paprasić vypisku z kartki pa miescy žycharstva.

Zapisacca na pryjom dla daviedki ŭ kožnaj paliklinicy možna papiarednie pa internecie ci pa telefonie — u śpiecyjalnyja «zdarovyja dni». Jak praviła, heta aŭtorak i čaćvier (prafdzień).

Daviedki dla naviedvańnia spartyŭnych siekcyj, kłubaŭ i hurtkoŭ, kaža Ludmiła Lohkaja, vydajucca asobna ad daviedak ab stanie zdaroŭja. I ŭ zaležnaści ad kirunku siekcyi pryznačajucca dadatkovyja mietady dyjahnostyki.

— Kali dzicia zajmajecca surjozna sportam, jano prachodzić miedahlad zhodna z pastanovaj Ministerstva sportu. Tam zusim inšy pieralik daśledavańniaŭ. Kali dzicia tolki pačynaje zajmacca, daśledujecca najaŭnaść funkcyjanalnych adchileńniaŭ, EKH, dadatkovyja analizy, kali doktar ličyć heta nieabchodnym.

Paśla vypadkaŭ śmierci vučniaŭ prosta na ŭrokach fizkultury ŭ škole praviły ahladu nie stali bolš žorstkimi, skazała Ludmiła Lohkaja.

«Vyjaŭlena, što ŭ hetych dziaciej nie było supraćpakazańniaŭ dla zaniatkaŭ fizkulturaj», — patłumačyła jana.

• 0
• 0
• 0
• 0
• 0
• 0
• 0
• 0