Narviehija farmiruje adziny ŭ śviecie žanočy atrad śpiecpryznačeńnia FOTA
U 2014 hodzie Narviehija pačała stvarać pieršy ŭ śviecie vyklučna žanočy atrad śpiecyjalnaha pryznačeńnia — paśla dośviedu, atrymanaha padčas bajoŭ u Afhanistanie.
Narviežskaje śpiecpadraździaleńnie (Forsvarets Spesialkommando, FSK) hrała važnuju rolu ŭ antyterarystyčnych apieracyjach u Afhanistanie, časta supracoŭničajučy z amierykanskimi armiejskimi kamandas z atrada «Delta» i kamandas VMS.
Adnak zachodnija žaŭniery patrapili ŭ kulturu, dzie žančynam možna razmaŭlać amal vyklučna z mužčynami-svajakami.
«Paklikać na słužbu žančyn było apieratyŭnaj nieabchodnaściu», — skazaŭ aficer narviežskich padraździaleńniaŭ śpiecpryznačeńnia Vidar Krohseter u intervju foreignaffairs.com.
Novaje padraździaleńnie nazvali Jegertroppen — «Palaŭničy atrad».
Kab patrapić u šerahi Jegertroppen, treba prajści šerah vielmi ciažkich vyprabavańniaŭ, kurs kontrteraryzmu, padrychtoŭki dla haradskich bajoŭ, parašutnaj padrychtoŭki, kurs vyžyvańnia ŭ roznych klimatyčnych zonach, u tym liku ŭ Arktycy.
Tolki 13 z 317 kandydatak prajšli kurs padrychtoŭki ŭ 2014 hodzie i prykładna stolki ž — u 2015. Takim čynam, atrad naličvaje za dva hady mienš za 30 čałaviek, i jaho stvareńnie praciahvajecca.
Ciapier u narviežskich Uzbrojenych siłach kala 10% słužačych — žančyny.
U 2015 hodzie kraina pieršaj u NATA pryniała zakon pra pryzyŭ dla ŭsiaho nasielnictva - jak mužčyn, hetak i žančyn.
Biełarus palacieŭ u Nicu praz Stambuł — ciapier jon u komie ŭ francuzskaj balnicy. Miascovyja miedyki rajać adklučać jaho6
Kamientary