Padčas sumiesnaj apieracyi 19 asobnaj miechanizavanaj bryhady i padraździaleńniaŭ MUS suprać uzbrojenych farmiravańniaŭ sieparatystaŭ była vyzvalena vioska Žylina — hetak moh by ŭ žyćci hučać rapart pra vučeńni, jakija prachodziać ciapier na Lepielskim palihonie.
«Na hetym etapie my adpracoŭvajem realnyja praktyčnyja dziejańni, sychodziačy z analizu formaŭ i sposabaŭ viadzieńnia sučasnych uzbrojenych kanfliktaŭ», — raspavioŭ pałkoŭnik Uładzimier Kułažyn aficyjnaj armiejskaj haziecie «Vo słavu Rodiny».
Padčas adnaho z etapaŭ vučeńnia adpracoŭvalisia pytańni arhanizacyi vyvadu mirnaha nasielnictva z zachoplenaj sieparatystami nasielenaha punkta. «Bajeviki» płanavali «schilić nasielnictva na svoj bok», piša vydańnie.
«Pradstaŭniki Uzbrojenych Sił i Ministerstva ŭnutranych spraŭ pavinny byli pravieści pieramovy pra vyvad mirnaha nasielnictva ź niebiaśpiečnaha pierymietra, a ŭ vypadku niazhody sieparatystaŭ z vystaŭlenymi ŭmovami - pravieści apieracyju pa błakavańni i začystcy horada», — paviedamlaje aficyjnaja hazieta.
Siužet vučeńnia vielmi nahadvaje pieršy etap uzbrojenaha supraćstajańnia na Danbasie - kali atrad pad kiraŭnictvam aficera FSB RF Ihara Hirkina («Strałkova») zachapiŭ ukrainski horad Słaviansk i pačaŭ viarboŭku ŭ svoj skład miascovaha nasielnictva.
Zialenski nazvaŭ, jakija retranślatary na miažy i biełaruskija pradpryjemstvy chvalujuć Ukrainu36
Kamientary