Takaja infarmacyja raźmieščanaja na sajcie kampanii «AEM-technałohii» (uvachodzić u mašynabudaŭničy dyvizijon «Rasatama» — «Atamenierhamaš»).
Pa infarmacyi «AEM-technałohii», paśpiachova zavieršanyja hidraŭličnyja vyprabavańni reaktara VVER-1200 dla błoka Biełaruskaj AES. U Vałhadonskim filijale apieracyja pravodziłasia ŭ admysłovym stendzie hidravyprabavańniaŭ. Korpus reaktara byŭ pieramieščany ŭ stend kranam hruzapadymalnaściu 600 t i ŭstalavany ŭ prajektnaje stanovišča. U adpaviednaści z technałohijaj u chodzie vyprabavańniaŭ z dapamohaj admysłova padrychtavanaj vady ŭ korpusie reaktara stvaraŭsia maksimalny cisk 24,5 Mpa. Pa vynikach paćvierdžanaja tryvałaść asnoŭnaha mietału i zvarnych złučeńniaŭ vyrabu.
Nastupnym etapam budzie kantrolnaja zborka reaktara z unutrykorpusnymi elemientami: šachtaj, vyharadkaj, błokam achoŭnych trub i viečkam reaktara. Takim čynam, budzie vykananaja zborka reaktarnaj ustanoŭki, jakaja całkam paŭtaraje jaje rabočaje stanovišča na stancyi. Adhruzka reaktara ŭ adras Biełaruskaj AES płanujecca ŭ kancy kastryčnika.
Korpus reaktara ŭjaŭlaje ź siabie viertykalny cylindryčny korpus z eliptyčnym dnom, usiaredzinie jakoha raźmiaščajecca aktyŭnaja zona i unutrykorpusnyja pryłady. Źvierchu reaktar hiermietyčna začynieny viečkam.
Ślesar z Oršy biehaŭ ad vojska na radzimie, kab paśla pamierci za Pucina. Pierad adpraŭkaj na zaboj dla jaho zakacili dyskateku z afrykancami21
Ślesar z Oršy biehaŭ ad vojska na radzimie, kab paśla pamierci za Pucina. Pierad adpraŭkaj na zaboj dla jaho zakacili dyskateku z afrykancami
Pasoł Ukrainy pa pytańniach Biełarusi adkazaŭ na dyskusiju Viačorki i krytykaŭ Cichanoŭskaj: Vaša ŭzajemnaja nieprymalnaść adyhryvaje vielmi niekanstruktyŭnuju rolu4949
Kamientary