Nieviadomyja damalavali kalučy drot na hrafici ab siabroŭstvie Minska i Maskvy FOTA
Nieviadomyja pieramalavali hrafici ab siabroŭstvie Minska i Maskvy na šmatpaviarchoŭcy pa vulicy Mahiloŭskaj, 32. U bukiecie i vianku z ramonkaŭ i vasilkoŭ minčuki zaŭvažyli novy elemient — kalučy drot.
Pa infarmacyi Jeŭraradyjo, «karekcyja» naściennaha žyvapisu adbyvałasia ŭ pieršaj pałovie dnia ŭ niadzielu 23 kastryčnika.
Vakoł chadzili ludzi, ale nichto nie źviartaŭ uvahi na toje, što la ściany staić padjomnik, na jakim pracuje čałaviek u kambiniezonie.
Praz prajekt Signal aŭtar pieradaŭ, što ciapier u hrafici jość choć niejki sens: «Vyratavać? Toje, što miortvaje, pamierci nie moža. Ale sensu dadać udałosia».
Nahadajem, u červieni rasijski mastak Artur Kašak stvaryŭ svajo hrafici na staličnaj šmatpaviarchoŭcy. Jano stała svojeasablivym padarunkam da Dnia Maskvy Minsku. Minčuki tady adreahavali na malunak pa-roznamu.
Raniej aŭtar malunka raspavioŭ, što na hrafici syšło kala 300 bałončykaŭ farby i hetaja praca stała dla jaho na toj momant samaj maštabnaj.
Jak paviedamlali staličnyja ŭłady, chłopčyk na malunku simvalizuje Minsk, a dziaŭčynka — Maskvu. Na ich kašulach — hierby hetych haradoŭ. Praca była vykananaja pa inicyjatyvie pradstaŭnictva horada Maskvy.
Ciapier čytajuć
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary