Farmat akcyi 7 listapada ŭ Minsku ŭ pamiać achviaraŭ savieckich represij źmienieny
Pravacentrysty źmianili farmat akcyi ŭ pamiać achviaraŭ savieckich represij, jakuju mieli namier pravieści ŭ Minsku 7 listapada, paviedamlaje naviny.by.
Pieršapačatkova płanavałasia, što ŭdzielniki akcyi źbiarucca ŭ 12.00 kala budynku KDB, a zatym adbudziecca šeście pa praśpiekcie Niezaležnaści da parku Čaluskincaŭ — miesca pachavańnia achviar stalinskich represij.
«My vyrašyli nie zaklikać šyrokuju hramadskaść prychodzić 7 listapada a 12 hadzinie da budynka KDB. Akcyja nie dazvolenaja Minharvykankamam, a tamu ŭdzieł u joj pahražaje administracyjnymi štrafami», — paviedamiŭ adzin z zajaŭnikaŭ mierapryjemstva, staršynia ruchu «Za Svabodu» Juraś Hubarevič.
U toj ža čas, adznačyŭ jon, zajaŭniki akcyi, a taksama, mahčyma, i inšyja hramadskija aktyvisty pryjduć da budynku KDB, kab tam zapalić śviečki.
Płanavanaha raniej šeścia pa praśpiekcie Niezaležnaści, dadaŭ jon, chutčej za ŭsio, nie budzie.
Kamientary