Dvuch mužčyn 32 i 39 hadoŭ znajšli miortvymi ŭ zapaviedniku na hornym chrybcie Tararura jašče ŭ paniadziełak. Rodnyja chłopcaŭ zaniepakoilisia ŭ niadzielu, kali mužčyny nie viarnulisia ŭ pryznačany čas. Pa papiaredniaj viersii, abodva zahinuli ad pieraachaładžeńnia. Viadoma, što adzin ź ich — 32-hadovy biełarus Pavieł Paźniak, jaki pracavaŭ u kampanii Xero.
Jak paviedamlaje onliner.by sa spasyłkaj na vydańnie nzherald.co.nz, mužčyny adpravilisia ŭ hory subotniaj ranicaj, ale źnikli. U siem viečara svajaki ŭkrainskaha chłopca abviaścili jaho ŭ vyšuk. A ŭžo ranicaj u 10 hadzin pa miascovym časie ratavalniki znajšli mužčyn miortvymi ŭ kiłamietry ad łahiera.
Pavodle danych novaziełandskich ŚMI, 32-hadovy Pavieł Paźniak i 39-hadovy Michaił Ściapura pracavali razam. Siemji ŭkrainca i biełarusa ciapier taksama znachodziacca ŭ Novaj Ziełandyi.
Pryčyny śmierci dvuch mužčyn vyśviatlajucca da hetaha času. Jak patłumačyli žurnalistam palicejskija, u vychadnyja ŭ harach było choładna, tamu całkam mahčyma, što biełarus i ŭkrainiec pamierli ad pieraachaładžeńnia. Adnak miascovyja žychary kažuć, što tempieratura nie apuskałasia nižej za nul.
Infarmacyju ab tym, što zdaryłasia, paćviardžaje i biełaruski MZS. Ciapier na suviazi z rodnymi zahinułaha znachodzicca ambasada Biełarusi ŭ Aŭstralii, jakaja akredytavanaja i dla pracy ŭ Novaj Ziełandyi.
«Hetuju infarmacyju my atrymali ad novaziełandskich uładaŭ praz našaha hanarovaha konsuła ŭ Novaj Ziełandyi, — raspavioŭ pres-sakratar ministerstva Dźmitryj Mirončyk. — Ambasada Biełarusi ŭ Aŭstralii ŭ kantakcie z žonkaj, jakaja pražyvaje ŭ Novaj Ziełandyi. I ŭ vypadku nieabchodnaści hatovaja akazać dapamohu».
Pradstaŭniki kampanii ŭžo vykazali spačuvańni siemjam zahinułych supracoŭnikaŭ. Ciapier u Novaj Ziełandyi idzie zbor hrošaj u dapamohu siemjam biełarusa i ŭkrainca. Na dadzieny momant dla siamji Paŭła sabrana bolš za 32 tysiač dalaraŭ.
Ciapier čytajuć
Dziaržkanały poŭniacca abvinavačvańniami na adras Ukrainy. Nivodzin dziaržkanał nie apublikavaŭ kamientary ŭkraincaŭ. Reakcyi Łukašenki dahetul niama2727
Dziaržkanały poŭniacca abvinavačvańniami na adras Ukrainy. Nivodzin dziaržkanał nie apublikavaŭ kamientary ŭkraincaŭ. Reakcyi Łukašenki dahetul niama27
Cichanoŭskaja pra ŭdar pa aŭtobusie ź biełaruskimi dziećmi: Nie ryzykujcie žyćciom — nie jedźcie ŭ Rasiju, jakaja viadzie złačynnuju i niespraviadlivuju vajnu2727
Kamientary