Adzinaccataja partyja matču za tytuł čempijona śvietu pa šachmatach, jaki prachodzić u Ńju-Jorku, skončyłasia ničyjoj, paviedamlajecca na sajcie Chess Base.
Rasijanin Siarhiej Karakin i narviežac Mahnus Karłsen pahadzilisia na ničyju na 34-m chodzie. Sustreča doŭžyłasia 3 hadziny 20 chvilin.
Takim čynam, lik u matčy paśla adzinaccataj partyi — 5,5:5,5.
Usiaho šachmatysty praviaduć pamiž saboj 12 partyj z kantrolem času 100 chvilin na 40 chadoŭ, a zatym 50 chvilin na 20 chadoŭ i 15 chvilin da kanca partyi z dadańniem 30 siekund na kožny chod pačynajučy ź pieršaha. Kali paśla 12 partyj budzie zafiksavana ničyja, Karłsen i Karakin zhulajuć tajm-brejk, jon pavinien adbycca 30 listapada.
***
Pieršyja siem matčaŭ za zvańnie čempijona śvietu, što prachodzić u Ńju-Jorku, zaviaršylisia ŭničyju, u vośmaj Karakin pieramoh, u dziaviataj była zafiksavana ničyja, a ŭ 10-j pieramoh Karłsen.
Karłsen staŭ dziejučym čempijonam śvietu ŭ 2013 h.
Ciapier čytajuć
Siarhiej Cichanoŭski pierabraŭsia žyć u Łos-Andželes67
Kamientary