Staršynia Jeŭrakamisii Žan-Kłod Junkier zajaviŭ, što Rasija źjaŭlajecca dla Jeŭrasajuza raŭnapraŭnym partnioram, a nie «rehijanalnaj dziaržavaj», jak nazvaŭ jaje raniej prezident ZŠA Barak Abama.
«Ja b chacieŭ vieści dyskusii z Rasijaj na roŭnych», — skazaŭ Junkier u intervju telekanału Euronews i dadaŭ, što acenka amierykanskaha prezidenta była vialikaj pamyłkaj, paviedamlaje RIAN.
Pavodle jaho słoŭ, u Jeŭropie niemahčyma vybudavać strukturu biaśpieki biez udziełu Maskvy.
«Da hetaha času ja nie bačyŭ nijakich arhumientaŭ u karyść nieadkładnaha źniaćcia sankcyj suprać Rasii. Ja b chacieŭ mieć pahadnieńnie z Rasijaj, jakoje vychodzić za zvyčajnyja ramki, majučy na ŭvazie, što biez Rasii ŭ Jeŭropie niama struktury biaśpieki», — adznačyŭ Junkier.
Staršynia Jeŭrakamisii padkreśliŭ, što da Rasii treba stavicca jak da «bujnoha ŭtvareńnia i hordaj nacyi». Na dumku Junkiera, ES jašče mnohaje varta daviedacca pra «hłybiniu» Rasii, bo sajuz pa-raniejšamu mała daśviedčany na hety kont.
U sakaviku 2014 hoda pa vynikach samitu pa jadziernaj biaśpiecy ŭ Haazie Abama zajaviŭ, što Rasija nie źjaŭlajecca «pieršaj pahrozaj nacbiaśpiecy ZŠA», i nazvaŭ krainu «rehijanalnaj dziaržavaj».
Kamientary