Były prezident Ukrainy Viktar Janukovič zajaviŭ, što ŭ lutym 2014 hoda, pierad tym jak pakinuć Kijeŭ, jamu prapanoŭvali spalić rezidencyju Miežyhorje, ale jon admoviŭsia. Pra heta eks-prezident raspavioŭ paśla zakančeńnia dopytu ŭ sudzie Rastova-na-Donie haziecie «Kommiersant».
Adkazvajučy na pytańnie karespandenta vydańnia, ci pravilnym było rašeńnie pakinuć padčas tych padziej Kijeŭ, Janukovič skazaŭ, što heta jaho «samaja vialikaja pamyłka». «Mnie nie treba było źjazdžać z Kijeva», — pryvodzić vydańnie jaho słovy.
«Ale situacyja składvałasia tak. Ja ŭpeŭnieny byŭ na sto adsotkaŭ, što pačnuć šturmavać rezidencyju! A ŭ mianie byli tam bajcy z majoj achovy, surjoznyja, addanyja, kala tysiačy čałaviek, uzbrojenyja da zuboŭ, i jany b da śmierci tam stajali! I jany b, viadoma, nałamali droŭ, pakłali b tam ludziej vielizarnuju kolkaść!» — skazaŭ Janukovič.
Ciapier čytajuć
Błohier Siaroha z Rasii pryjechaŭ na Zybickuju z kachanaj błohierkaj Aniečkaj. Vynik: źbity im biełarus u komie, a Siaroha na 5,5 hoda za kratami32
Kamientary