Siońnia dzień narodzinaŭ śviatkuje adziny ŭ śviecie čałaviek, jaki naradziŭsia ŭ XIX stahodździ FOTAFAKT
Italjanka Ema Marali śviatkuje siońnia svoj 117 dzień narodzinaŭ. Zhodna z Knihaj rekordaŭ Hinesa, Ema zastałasia adzinym (aficyjna) čałaviekam na Ziamli, jakaja naradziłasia ŭ XIX stahodździ.
Ema — starejšaja z vaśmi dziaciej u siamji Marali. Jana naradziłasia 29 listapada 1899 hoda. U jaje siamji taksama byli doŭhažychary — maci, ciotka i niekatoryja braty i siostry, jakija pierasiahnuli 90-hadovuju miažu. Jaje siastra Andžeła Marali znajšła supakoj va ŭzroście 102 hadoŭ, pražyŭšy z 1908-ha pa 2011-y hod.
U kastryčniku 1926-ha jana pabrałasia šlubam z Džavani Marcinuiccy (1901-1978). Adzinaje dzicia pary naradziłasia ŭ 1937-m, adnak, na žal, jaho žyćcio abarvałasia, kali małomu jašče nie było i paŭhoda.
Žyćcio ŭ šlubie nie pryniesła Emie ščaścia. U 1938-m italjanka stała žyć asobna ad muža, jakoha vyhnała z domu. Da 1954-ha Marali pracavała na džutavaj fabrycy. Jana vyjšła na piensiju va ŭzroście 75 hadoŭ.
Ema nie pakinuła svajho žylla i ŭ hłybokaj staraści, dzie pražyvaje adna. Kali italjancy stuknuła 115 hadoŭ, jaje spytali, u čym kryjecca sakret jaje daŭhalećcia. Žančyna adkazała, što nikoli nie ŭžyvała narkotyki, źjadała try jajki ŭ dzień, vypivała šklanku chatniaha brendzi i časam pieściła siabie šakaładam.
Kamientary