U Minsku supracoŭniki narkakantrolu zatrymali ŭładalnika internet-kramy pa padazreńni ŭ raspaŭsiudzie narkotykaŭ, paviedamili BiełTA ŭ adździaleńni infarmacyi i hramadskich suviaziaŭ UUS Minskaha abłvykankama.
«U jakaści biznes-madeli narkahandlar, uradženiec Śvietłahorskaha rajona, abraŭ spraŭdžanuju schiemu: kupić optam, rasfasavać, pradać krychu daražej. Pačynaŭ z «marak» i hašyšu, zatym vyrašyŭ pašyryć asartymient i zaniaŭsia raźviadzieńniem halucynahiennych hryboŭ. Nieabchodnaje abstalavańnie, spory i rekamiendacyi pa vyroščvańni znajšoŭ u internecie. Svaje kałonii hrybaznaŭca-pačatkoviec raźmiaściŭ prosta ŭ nišy kanapy, zabiaśpiečyŭšy tam usie nieabchodnyja dla rostu hryboŭ umovy», — raspaviali ŭ UUS.
Zatym dyler stvaryŭ sajt pa handli narkotykami, zakładki pravodziŭ pa ŭsich zakonach kanśpiracyi, a pierapisku z klijentami vioŭ z vykarystańniem admysłovaha PA. «Pa viartańni z čarhovaj pajezdki ŭ Sankt-Pieciarburh złamyśnika zatrymali prosta la padjezda — pry im znojdzienyja 50 h hašyšu. Padčas pieratrusu kvatery znojdzienaje abstalavańnie i prystasavańni dla fasoŭki narkotykaŭ, niekalki kałonij hryboŭ, jakija źmiaščajuć asabliva niebiaśpiečnaje rečyva psiłacybin, i pakunački z nasieńniem kanoplaŭ i niekalkich vidaŭ kaktusaŭ, taksama jakija majuć halucynahiennyja ŭłaścivaści», — udakładnili va UUS.
Frunzienskim rajonnym adździełam Śledčaha kamiteta Minska raspačataja kryminalnaja sprava pa č. 3 art. 328 KK RB. Sankcyja hetaha artykuła praduhledžvaje da 13 hadoŭ pazbaŭleńnia voli.
-
Babior trapiŭ pad ciahnik na vačach školnikaŭ u Hiermanii. Dla jaho ratavańnia zatrymali dzieviać ciahnikoŭ
-
Va ŭčorašnim pažary ŭ Minsku zhareła prastora dla mierapryjemstvaŭ, jakaja adkryłasia tolki try miesiacy tamu
-
«My ŭ šoku i razhublenaści». Što adbyvajecca na miescy pažaru ŭ domie ŭ centry Minska
Ciapier čytajuć
U Francyi ad śpioki zahinuŭ dalnabojščyk z Dokšycaŭ8
Kamientary