Papularny błohier z Homiela tranślavaŭ žyvyja efiry z aholenymi niepaŭnaletnimi padpisčycami
«Raspranajem dziaŭčynak pa skajpie» — tak nazyvaŭ svaje efiry («strymy») student adnaho z homielskich VNU i papularny videa-błohier z bolš čym 50 tys. padpisčykaŭ Andrej Burym.
Rasijski Youtube-błohier Ajden vykłaŭ na svaim kanale vykryvalnicki videarolik, u jakim padrabiazna raspaviadaje, jak juny hamialčanin damohsia papularnaści ŭ Youtube.
Miarkujučy pa zapisanych i apublikavanych frahmientach «strymaŭ» A. Buryma, unikalnaj «technałohijaj» pavyšeńnia papularnaści jaho kanała stała ŭmieńnie schilać junych dziaŭčat da raspranańnia. Źviazvajučysia sa svaimi padpisčycami, mnohija ź jakich, darečy, akazvalisia niepaŭnaletnimi, praź videasuviaź prahramy Skype, «Youtube-zorka» padkazvaŭ i nastaŭlaŭ, jaki pradmiet adzieńnia i jakim rucham lepš źniać i jakuju pozu pry hetym pryniać. Videa hetych «znosin» u toj ža čas tranślavałasia na kanale błohiera ŭ žyvym efiry.
Adrazu niekalki rasijskich videabłohieraŭ źviarnuli ŭvahu na «tvorčuju dziejnaść» maładoha čałavieka i stvaryli ŭłasnyja roliki, jakija źmiaščajuć, u tym liku i frahmienty tvorčaści Andreja Buryma.
Vykryćcio źjaviłasia ŭ siecivie 17 studzienia i imkliva raspaŭsiudžvajecca ŭ sacyjalnych sietkach. Na samim Youtube-kanale Andreja Burym nijakich videazapisaŭ niama naohuł: rolikaŭ jon nie stvaraŭ, a rabiŭ tolki «strymy» — žyvyja efiry. Adnak «ślady», jak možna pierakanacca ź videa, apublikavanaha rasiejcami, zastalisia.
Na staroncy Andreja Buryma ŭ sacyjalnaj sietcy «Ukantakcie» źjavilisia tysiačy hnieŭnych i abraźlivych kamientaroŭ, sam małady čałaviek na ich nie adkazvaje.
Ciapier čytajuć
Zialenski nazvaŭ, jakija retranślatary na miažy i biełaruskija pradpryjemstvy chvalujuć Ukrainu52
Kamientary