Viarchoŭny sud Biełarusi apublikavaŭ statystyčnyja dadzienyja pa vynikach pracy za 2016 hod.
Bolš za 40 tysiač kryminalnych spraŭ
Usiaho ŭ minułym hodzie ŭ sudach krainy razhladałasia 42 116 kryminalnych spraŭ, pa vyniku jakich vynosilisia prysudy. Byli asudžany 44 770 čałaviek, bolšaść ź ich za «złačynstvy suprać ułasnaści» — 17 352 čałavieki (u tym liku za kradziažy — 16 653). Za narkotyki asudzili 3 608 čałaviek, za ekanamičnyja złačynstvy — 509.
Absalutnaja bolšaść asudžanych nakiroŭvajecca sudom u miescy pazbaŭleńnia voli. Takim čynam, nasielnictva biełaruskich kałonij pavialičyłasia za minuły hod na 13 759 čałaviek. Ahułam 8 182 čałavieki atrymali «chimiju» (bolšaść, 5 158 čałaviek — tak zvanuju «chatniuju chimiju», biez nakiravańnia ŭ vypraŭlenčuju ŭstanovu).
5 196 čałaviek atrymali štrafy, 2 066 złačyncam prysudzili vypraŭlenčyja pracy.
0,19% apraŭdanych
Apraŭdali letaś tolki 83 čałavieki.
Bolšaść ź ich — 17 čałaviek — abvinavačvali ŭ naniasieńni lohkich cialesnych paškodžańniaŭ.
Adnaho z apraŭdanych abvinavačvali ŭ zabojstvie (sud pryznaŭ jaho dziejańni samaabaronaj). Traich vinavacili ŭ abarocie narkotykaŭ, vaśmiarych — u abrazie, šaściarych — u kradziažy, piaciarych — u parušeńni niedatykalnaści žylla. Čaćviora čałaviek byli apraŭdanyja paśla abvinavačvańnia va ŭchileńni ad adbyćcia pakarańnia, traich vinavacili ŭ vyrabie i raspaŭsiudzie porna z vyjavaj niepaŭnahadovych.
Taksama pa troje čałaviek apraŭdali pa nastupnych abvinavačvańniach: naniasieńnia ciažkich cialesnych paškodžańniaŭ; machlarstva; uchileńnie baćkoŭ ad utrymańnia dziaciej; parušeńnie praviłaŭ darožnaha ruchu. Pa dva čałavieki apraŭdali pa spravach ab chulihanstvie; parušeńni tajamnicy pierapiski ci inšych pierahavoraŭ; niezakonnaj vysiečcy drevaŭ ci kustoŭ.
Atrymlivajecca, što biełaruskija sudy apraŭdvajuć tolki 1 čałavieka z 540. To bok 0,19%.
Bolš za 200 tysiač štrafaŭ
Akramia kryminalnych spraŭ, sudy razhledzieli i 341 709 spraŭ administratyŭnych. Bolšaść ź ich — spravy ab drobnym chulihanstvie (46 563) i raśpićci ałkaholu ŭ hramadskich miescach (47 617).
Pa vyniku 222 529 čałaviek atrymali štrafy, 41 921 — administratyŭny aryšt, 4 991 — papiaredžańni i tolki 4 čałavieki byli asudžanyja na vypraŭlenčyja pracy.
Ciapier čytajuć
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?3333
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?33
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva1313
Kamientary