Sacyjalnyja sietki ŭzmacniajuć u ludziej pačućcio adzinoty, havorycca ŭ dakładzie amierykanskich psichołahaŭ. Jak adznačajuć śpiecyjalisty, kali čałaviek štodnia pravodzić u sacsietkach bolš za dźvie hadziny, u jaho padvojvajecca ryzyka raźvićcia sacyjalnaj izalacyi, piša VVS.
Pavodle danych daśledavańnia, idealizavany vobraz ludziej na staronkach sacsietak moža prymusić čałavieka adčuvać zajzdraść.
Da liku takich sajtaŭ ekśpierty adnieśli Instagram, Facebook, Twitter, Pinterest i płatformy Snapchat i Tumblr.
«My pakul dakładna nie viedajem, što adbyvajecca raniej — vykarystańnie sacyjalnych sietak abo adčuvańnie sacyjalnaj izalacyi», — tłumačyć saaŭtar daśledavańnia, prafiesar Pitsburhskaha ŭniviersiteta Elizabet Miler.
«Mahčyma, maładyja ludzi, jakija pieršapačatkova adčuvali sacyjalnuju izalacyju, źviartajucca da sacyjalnych sietak. Albo častaje vykarystańnie sacsietak niejkim čynam vyklikaje pačućcio izalacyi ad realnaha śvietu», — dadaje jana.
Pavodle danych daśledavańnia, čym bolš času čałaviek pravodzić u internecie, tym mienš času ŭ jaho zastajecca dla znosin u realnym śviecie.
U apytańni dla daśledavańnia ŭziali ŭdzieł 2 tysiačy čałaviek va ŭzroście ad 19 da 32 hadoŭ.
Jak adznačaje prafiesar Pitsburhskaha ŭniviersiteta Brajan Prymak, sučasnyja technałohii šmat u čym uskładniajuć znosiny, a nie spraščajuć ich.
«Choć na pieršy pohlad zdajecca, što sacyjalnyja sietki dajuć mahčymaść zapoŭnić hetuju sacyjalnuju pusteču, hetaje daśledavańnie kaža pra toje, što jany mohuć być nie tym rašeńniem prablemy, jakoje ludzi spadziavalisia atrymać», — kaža Prymak.
Hladzicie taksama: Sama sabie chłopiec. U adzinokich dziaŭčat nabiraje papularnaść servis arendy kvietak na niekalki chvilin
Ciapier čytajuć
Pasoł Ukrainy pa pytańniach Biełarusi adkazaŭ na dyskusiju Viačorki i krytykaŭ Cichanoŭskaj: Vaša ŭzajemnaja nieprymalnaść adyhryvaje vielmi niekanstruktyŭnuju rolu4949
Kamientary