Navukoŭcy NASA atrymali sihnał ad kaśmičnaha zonda «Kasini», jaki dniom nabliziŭsia da atmaśfiery Saturna na rekordna karotkuju dystancyju i nyrnuŭ u kolcy płaniety, piša VBS.
Zond paśpiachova zaviaršyŭ pieršaje z zapłanavanych 22 zbližeńniaŭ z atmaśfieraj, u chodzie jakoha suviaź z «Kasini» była časova stračana, i dasłaŭ na Ziamlu pieršyja fatahrafii.
Z kožnym z nastupnych pralotaŭ, jakija, jak čakajecca, buduć prachodzić nastupnyja piać miesiacaŭ, «Kasini» budzie prasoŭvacca ŭsio bližej da pavierchni płaniety, dajšoŭšy ŭ vyniku da ŭnutranaha, bližejšaha da Saturna kolca.
Čakajecca, što ŭ vyniku misii zond dašle na Ziamlu fatahrafii biesprecedentnaj jakaści, a taksama danyja, jakija dapamohuć dać adkazy na mnostva da hetaha času nie vyrašanych pytańniaŭ ab historyi hetaj płaniety.
U samym lepšym razroźnieńni fatahrafii kolcaŭ Saturna pavinny demanstravać elemienty pamieram da 150 mietraŭ u dyjamietry.
«Ni adzin kaśmičny aparat nikoli nie byŭ tak blizki da Saturna», — raspavioŭ kiraŭnik misii «Kasini» doktar Erł Mejz.
«My mahli spadziavacca tolki na pradkazańni, zasnavanyja na našych viedach pra inšyja kolcy Saturna, našych ujaŭleńniach ab tym, jakim budzie zazor pamiž kolcami i Saturnam. Ja rady paviedamić, što «Kasini» prajšoŭ praz hety zazor, jak my i płanavali, i viarnuŭsia ŭ vydatnaj formie», — raspavioŭ jon.
Ciapier čytajuć
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam8
Kamientary