U Litvie pačalisia samyja maštabnyja ŭ hetym hodzie nacyjanalnyja vajennyja manieŭry «Udar małanki» (Zaibo kirtis — 2017), u jakich buduć adpracoŭvać sumiesnyja dziejańni siły MUS i armii.
Vučeńni ŭ Maryjampale i Viłkaviškiesie projduć da 7 traŭnia. U ich buduć zadziejničany Siły miratvorčych apieracyj Litoŭskaj armii, Siły chutkaha reahavańnia i častki ich zabieśpiačeńnia. Razam z bolš čym 3 tys. vajskoŭcaŭ u ich voźmuć udzieł 200 palicejskich i 200 pradstaŭnikoŭ inšych viedamstvaŭ, u tym liku antyterarystyčnaha padraździaleńnia Aras, SOHH i Departamienta supraćpažarnaj biaśpieki i vyratavańnia, municypalnych ustanoŭ, rabotniki balnic i členy Sajuza strałkoŭ. Taksama płanujecca pryzvać 2000 reziervistaŭ z usioj Litvy.
«Płanujem madelavać roznyja dziejańni: heta buduć niekanviencyjalnyja, h.zn. hibrydnaj vajny, dziejańni, buduć terarystyčnyja vypady suprać municypalnych orhanaŭ. (…) Pa scenary nieviadomyja hrupoŭki pasprabujuć pačać biesparadki, bunty, zajmać municypalnyja budynki», — paviedamiŭ kiraŭnik vučeńniaŭ «Udar małanki», načalnik Zvodnaha štaba Litoŭskaj armii hienierał-major Vitalijus Vajkšnoras.
Samyja aktyŭnyja dziejańni manieŭraŭ pačnucca 2 maja, na vulicach haradoŭ ich možna budzie nazirać da 6 maja. Scenar manieŭraŭ, jakija pravodziacca ŭ treci raz, stvorany z metaj praviadzieńnia trenirovak, pravierki i acenki, nakolki chutka i efiektyŭna orhany ŭnutranych spraŭ zmohuć uzajemadziejničać ź siłami miratvorčych apieracyj Litoŭskaj armii i siłami chutkaha reahavańnia pry niejtralizacyi ŭzbrojenych dyviersijnych hrup, maksimalna abaraniajučy pry hetym cyvilnaje nasielnictva i ich majomaść.
-
Rasija zakryła čyhunačnyja punkty propusku na miežach ź Finlandyjaj, Estonijaj i Łatvijaj. Pryčyna i namier pakul niajasnyja
-
Viarchoŭny sud ZŠA vyznačyŭ, što prava na hramadzianstva pa naradžeńni zastajecca ŭ sile. Jaho sprabavaŭ admianić Tramp
-
Samaje zasušlivaje miesca ŭ śviecie časam pieratvarajecca ŭ kvietkavy dyvan
Kamientary