
U niekatorych rajonach Biełarusi 1 maja vypaŭ śnieh. Takoje adbyvajecca niačasta, paviedamili Tut.by u Respublikanskim centry pa hidramietearałohii, kantroli radyjeaktyŭnaha zabrudžvańnia i manitorynhu navakolnaha asiarodździa.
Tak, u 1945 hodzie śnieh u Minsku vypaŭ 26 maja, a 19 maja ŭ 1952 hodzie śniežny połah dasiahnuŭ 6 sm. Śnieh lažaŭ dva dni.
Vyklučna poźni vypadak vypadzieńnia śniehu zafiksavali 6 červienia 1962 hoda. Tady śnieh pralažaŭ na praciahu dvuch z pałovaj hadzin. 1 maja 2007 hoda ŭ Minsku ciaham 9 hadzinaŭ taksama išoŭ śnieh i ŭtvaryŭsia śniežnaje pokryva vyšynioj 3 sm.
U Hidramiecie adznačajuć, što ciapier nadvorje ŭ Biełarusi niaŭstojlivaje. Jašče buduć daždžy, a ŭ paŭnočnych rajonach krainy navat moža vypaści śnieh. I ničoha zvyšnaturalnaha ŭ takim nadvorji niama.
Kali pahladzieć prahnoz da 5 maja, to pa Bresckaj, Homielskaj abłaściach čakajecca ad +15 da +18°S, Viciebskaj, Hrodzienskaj, Mahiloŭskaj i Minskaj - ad +12 da + 17°S.
Kamientary