Bolš za 66% žycharoŭ Biełarusi vykazalisia za abaviazkovy dekretny adpačynak dla taty
Bolš za 66% žycharoŭ Biełarusi vystupajuć za ŭviadzieńnie abaviazkovaha adpačynku dla tataŭ. Takija dadzienyja sacapytańnia ahučyŭ na pres-kanfierencyi namieśnik ministra pracy i sacyjalnaj abarony Alaksandr Rumak, pieradaje karespandent BiełTA.
Pavodle słoŭ namieśnika ministra, siarod respandentaŭ-mužčyn za ŭviadzieńnie takoha adpačynku vykazalisia 61,2%, siarod žančyn — 70,3%. Jak rastłumačyŭ Alaksandr Rumak, sacyjałahičnaje apytańnie było praviedziena ŭ krasaviku-mai sioleta Centram sacyjałahičnych i palityčnych daśledavańniaŭ BDU pa zamovie Ministerstva pracy i sacyjalnaj abarony. Hety sacapytańnie ŭklučała pytańni na temu adkaznaha baćkoŭstva, a taksama adpačynku dla tataŭ.
U apytańni paŭdzielničała kala 1 tys. respandentaŭ, jakija pražyvajuć u 78 haradach i sielskich nasielenych punktach. Na pytańnie «Jak vy staviciesia da mahčymaści ŭviadzieńnia adpačynku pry naradžeńni dziciaci dla baćki?» 66,2% respandentaŭ adkazali, što padtrymlivajuć uviadzieńnie takoha adpačynku.
Na pytańnie «Skarystałasia ci b vaša siamja takim adpačynkam, kali b jon byŭ praduhledžany zakanadaŭstvam?» 43,9% apytanych adkazali stanoŭča, 30,7% — admoŭna, 24,4% — nie zmahli vyznačycca z adkazam. Darečy, siarod mužčyn dali stanoŭčy adkaz 40,4%, siarod žančyn — 46,8%. Pryčym amal pałova respandentaŭ siarod tych, chto daŭ stanoŭčy adkaz, — va ŭzroście 30—44 hady.
Jak śviedčać vyniki sacapytańnia, 56,1% respandentaŭ ličać, što baćki niedastatkova času nadajuć vychavańniu i raźvićciu svaich dziaciej. Siarod apytanych mužčyn taki punkt hledžańnia vykazali 44,1%, siarod žančyn — 65,9%. Tamu zakanamierna, što na pytańnie «Ci nieabchodna na dziaržaŭnym uzroŭni prymać miery dla ŭklučeńnia tataŭ u praces dohladu za dziećmi, ich vychavańnie i raźvićcio?» śćviardžalna adkazali 52,4% respandentaŭ.
Ciapier čytajuć
Chto tyja dva piersanažy, jakija nie pili ŭ mižvajennaj Vilni, jak Zośku Vieras abudzili ad letarhii i ci praŭdzivaja bajka pra Karatkieviča i restaran11
Kamientary