Rasieja atrymała vinšavańnie z «elehantnaj pieramohaj» na Kaŭkazie
Łukašenka zajaviŭ, što Maskva ŭ Hruzii dziejničała «mudra i pryhoža», a zachodnikaŭ nazvaŭ niedalokimi ludźmi. Piša ŭ svaim błohu Alaksandar Kłaskoŭski.
Nu voś usio i stała na svaje miescy. Palitolahi, što napieraboj kazali pra zachodni trend Łukašenki, mohuć trochi astyć. Kreml vycisnuŭ ź jaho nia prosta słovy padtrymki, a naturalny panehiryk.
"Usio było zroblena vydatna, vielmi spakojna, mudra i pryhoža", — tak adkamentavaŭ kaŭkaskuju vajnu na sustrečy ŭ Sočy ź Miadźviedzievym 19 žniŭnia biełaruski aficyjny kiraŭnik. Zrešty, jon padkreśliŭ, što nikoli nie nazyvaŭ hetyja padziei vajnoj. I dadaŭ, što Zachad u padobnaj sytuacyi nałamaŭ by takich droŭ, što "zavarušyŭsia b uvieś śviet".
Takim čynam, Miensk prademanstravaŭ słavutuju "šmatvektarnaść" u dziejańni. Bolej dakładna było b nazvać hetaje łaviravańnie miž centrami siły palitykaj maneŭrovaha paravoza. Biełaruskaje kiraŭnictva i nia dumaje ni pra jakuju liberalizacyju. Dumka adna: lubym koštam uratavać status-kvo!
Usie trendy aficyjnaha Miensku, nad jakimi hłybakadumna razvažajuć analityki, — heta tolki snavańnie tudy-siudy z adzinaj zvyšmetaj — zachavać uładu ŭ krainie.
Zrešty, rasiejskaje kiraŭnictva, treba dumać, usio prasiekła i nia nadta daje viery zapoźnienym panehirykam. Razmova datyčna cany hazu, adzinaha rubla, pryvatyzacyi pryvabnych biełaruskich aktyvaŭ dy raźmiaščeńnia "Iskanderaŭ" čakajecca "čysta kankretnaja". Buduć łamać dalej.
ZY. Nu a voś i Zachad atrymaŭ svaju porcyju. Jašče adna haračaja cytata z "Bačaravaha Ručaja": "Kali ja čuju — zachodnija dziaržavy i amerykancy pačynajuć kazać na hetuju temu, ja liču, što jany — niedalokija ludzi, jakija na hetuju temu razvažajuć dy pavučajuć Rasieju".
Ciapier čytajuć
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam5
Kamientary