Sacsietka «Ukantakcie» praviała maštabny redyzajn svaich mabilnych dadatkaŭ
Sacyjalnaja sietka «Ukantakcie» vypuściła samaje maštabnaje abnaŭleńnie mabilnych dadatkaŭ za apošnija niekalki hadoŭ. Novaja viersija prahram dla iOS i Android užo dastupnaja dla zapampoŭki z App Store i Google Play.
Samym prykmietnym novaŭviadzieńniem stała adsutnaść bakavoha mieniu z raździełami, bo ŭ im «stała ciesna»: «Treba ŭvieś čas zadumvacca ab tym, kudy ž naciskać», — napisaŭ kiraŭnik mabilnych praduktaŭ kampanii Miša Bołdaŭ. Jaho miesca zaniała nižniaja panel, jak u Facebook, z chutkim dostupam da raździełaŭ «Naviny», «Pošuk i rekamiendacyi», «Paviedamleńni» i «Apaviaščeńni», a taksama mieniu-hamburhieram, dzie ŭ vyhladzie śpisu adlustroŭvajucca inšyja raździeły sacsietki.
Pošuk staŭ univiersalnym. Uvodziačy zapyty ŭ adzin radok, možna šukać što zaŭhodna: ludziej, supolnaści, zapisy na ścianie abo naviny. Na hetym ža ekranie źjaviłasia novaja funkcyja rekamiendacyj, jakaja šukaje kantent na asnovie intaresaŭ karystalnika (uličvajucca naviny, artykuły, fatahrafii) i źbiraje lepšaje ŭ piersanalnuju padborku zapisaŭ.
Kampanija abviaściła pra budučy redyzajn nie tak daŭno, i my padrabiazna raspaviadali pra ŭsie novaŭviadzieńni.
Čytajcie: «UKantakcie» kardynalna źmienić dyzajn svaich mabilnych dadatkaŭ ŠMAT FOTA
Kab padpisacca na staronku «Našaj Nivy», naciśnicie siudy.
Ciapier čytajuć
«Spadziajusia, ale nie fakt, što pastuplu»: abituryjentka, jakaja zdała ŭsie ispyty na 100 bałaŭ10
Kamientary