Dyrektar słužby taksi «Ałmaz» Viktar Puzikaŭ całkam kampiensavaŭ škodu i źmieščany pad chatni aryšt, paviedamiła BIEŁTA aficyjny pradstaŭnik Śledčaha kamiteta Julija Hančarova.
USK pa Miensku praciahvaje rasśledavańnie kryminalnaj spravy ŭ dačynieńni da dyrektara TAA «Taksi Ałmaz 7788», jakomu vystaŭlenaje abvinavačvańnie va ŭchileńni ad vypłaty sum padatkaŭ, zboraŭ u asabliva bujnym pamiery.
«U chodzie rasśledavańnia kryminalnaj spravy abvinavačany akazvaje sadziejničańnie śledstvu ŭ vyśviatleńni abstavin supraćpraŭnaj dziejnaści, raskajaŭsia ŭ zroblenym, a taksama kampiensavaŭ u poŭnym abjomie ŭsiu škodu, vyjaŭlenuju pa spravie ŭ ciapierašni čas. Kampiensavanaja škoda skłała bolš jak 1,4 młn rubloŭ, — raspaviała Julija Hančarova. — Z ulikam nazvanych abstavin śledstvam pryniataje rašeńnie ab źmienie da dyrektara TAA dziejučaj miery strymańnia ŭ vyhladzie zaklučeńnia pad vartu na chatni aryšt. Dadzienaje rašeńnie sankcyjanavanaje prakuroram».
Śledčyja dziejańni pa spravie praciahvajucca.
Ciapier čytajuć
Upieršyniu za čas nazirańniaŭ tempieratura pavietra ŭ Biełarusi pierakročyła +40°C3
Kamientary