Ustupiła ŭ siłu pastanova Minpracy i sacabarony № 41 «Ab uniasieńni źmianieńniaŭ i dapaŭnieńniaŭ u Instrukcyju ab paradku viadzieńnia pracoŭnych knižak».
U pieralik źviestak, jakija nie ŭnosiacca ŭ pracoŭnuju knižku rabotnika, dadatkova ŭklučanyja źviestki:
ab rabocie pa hramadzianska-pravavych damovach i ažyćciaŭleńni pradprymalnickaj dziejnaści;
ab umovie vykanańnia raboty pa terminovaj pracoŭnaj damovie;
ab dyscyplinarnych spahnańniach, za vyklučeńniem vypadkaŭ zvalnieńnia rabotnika ŭ jakaści miery dyscyplinarnaha spahnańnia;
ab režymie hnutkaha pracoŭnaha času;
ab niapoŭnym pracoŭnym časie.
U vypadkach likvidacyi najmalnika pa apošnim miescy pracy, spynieńnia dziejnaści indyvidualnaha pradprymalnika abo śmierci najmalnika — fizičnaj asoby dublikat pracoŭnaj knižki vydajecca najmalnikam pa novym miescy pracy niezaležna ad terminu, jaki prajšoŭ z daty zvalnieńnia rabotnika. Pry stracie pracoŭnaj knižki (ŭkładyša da jaje) zvolnieny pracaŭnik źviartajecca pa dublikat pracoŭnaj knižki da najmalnika pa apošnim miescy pracy na praciahu šaści miesiacaŭ paśla jaho zvalnieńnia.
Rehłamientuje pastanova i vypadki, kali najmalnik — indyvidualny pradprymalnik akazvajecca pad śledstvam abo ŭ źniavoleńni i jaho dziejnaść spyniajecca. U hetym vypadku zapis ab zvalnieńni rabotnika ŭnosicca ŭ pracoŭnuju knižku rehistrujučym orhanam pa miescy dziaržaŭnaj rehistracyi indyvidualnaha pradprymalnika i zamacoŭvajecca piačatkaj dadzienaha orhana.
Kamientary