Most nad Prypiaćciu ŭ Žytkavickim rajonie, što tresnuŭ i prasieŭ, hadzinu tamu zakryli i dla piešachodaŭ. Ludziej praz raku pierapraŭlajuć try katary MNS. Aŭtamabilistam ž davodzicca rabić kruk praz Mazyr i Stolin albo karystacca pierapravaj u vioscy Śniadzin, što za 35 kiłamietraŭ ad Žytkavičaŭ. Ale ŭžo ŭ paniadziełak, abiacajuć miascovyja ŭłady, usio źmienicca — praz Prypiać zbudujuć pantonnuju pierapravu.
Pierapravu vyrašyli zrabić za sto mietraŭ ad avaryjnaha mosta ŭvierch pa ciačeńni. Dastaŭku samich pantonaŭ ź Pinska i Mahilova zabiaśpiečać MNS i vajskoŭcy. Na transparciroŭku siekcyj napłaŭnaha mosta pojdzie subota i niadziela. U paniadziełak pačniecca ich mantaž. Darečy, jon, na dumku śpiecyjalistaŭ nie zojmie šmat času. Płanujecca, što da viečara paniadziełka pieraprava ŭ 140 mietraŭ daŭžynioj i 6 mietraŭ šyrynioj budzie pracavać. Pa joj zmohuć pierapraŭlacca nie tolki lehkaviki, ale i vielikahruzy.
Pakul ža varyjantaŭ dla aŭtamabilistaŭ dva - u 35 kiłamietrach ad Žytkavič, niedaloka ad vioski Śniadzin, praz Prypiać chodzić parom. Z učorašniaha dnia jon pracuje kruhłasutačna. Albo ž možna zrabić kruk u 270 km pa darozie praz Mazyr abo Stolin.
«Žyćcio na tym baku bieraha nie parušana. Tam (u Turavie) jość usie nieabchodnyja dla žyćcia abjekty - rajhaz, milicyja, abjekty achovy zdaroŭja, praduktami charčavańnia zarečnaja zona zabiaśpiečana», — zapeŭniŭ staršynia Žytkavickaha rajvykankama Dźmitryj Hajkievič.
Kamientary