Iranskija ŭłady aryštavali byłoha prezidenta respubliki Machmuda Achmadziniežada. Pra heta haziecie al-Quds al-Arabi, što bazujecca ŭ Brytanii, raspaviali niekalki «nadziejnych krynic» u Tehieranie.
Kali mienavita heta adbyłosia surazmoŭcy vydańnia nie ŭdakładniajuć, adznačajučy adnak, što palityk byŭ zatrymany ŭ Šyrazie. Ordar na aryšt Achmadziniežada, pa ich słovach, byŭ vydadzieny «z uchvaleńnia najvyšejšaha kiraŭnika krainy Ali Chamieniei» paśla vystupu byłoha prezidenta Irana pierad prysutnymi ŭ horadzie Bušyr.
Achmadziniežad 4 studzienia, jak nahadvaje al-Quds al-Arabi, zajaviŭ, što, na jaho dumku, «niekatoryja ciapierašnija [iranskija] čynoŭniki žyvuć udalečyni ad prablem [zvyčajnych] ludziej i ničoha nie viedajuć ab realnym stanoviščy spraŭ hramadstva». «Iran siońnia pakutuje ad biezhaspadarčaści, a nie z-za adsutnaści ekanamičnych resursaŭ», — zaŭvažaŭ taksama palityk, padkreślivajučy, što jon upeŭnieny, — «členy ŭrada [ciapierašniaha prezidenta respubliki] Chasana Raŭchani ličać, što im naležyć absalutnaja ŭłada, a [zvyčajnyja] ludzi — usiaho tolki nieaśviečanaje hramadstva, jakoje ničoha nie razumieje». «Ludzi złujucca na ŭrad z-za jaho manapolii na hramadskija dabroty», — tłumačyŭ Achmadziniežad.
-
Rasija zakryła čyhunačnyja punkty propusku na miežach ź Finlandyjaj, Estonijaj i Łatvijaj. Pryčyna i namier pakul niajasnyja
-
Viarchoŭny sud ZŠA vyznačyŭ, što prava na hramadzianstva pa naradžeńni zastajecca ŭ sile. Jaho sprabavaŭ admianić Tramp
-
Samaje zasušlivaje miesca ŭ śviecie časam pieratvarajecca ŭ kvietkavy dyvan
Kamientary