Lider PKB Siarhiej Kalakin absalutna pierakanany, što apazycyja zrabiła pravilna, kali pryniała rašeńnie ŭdzielničać u parlamenckich vybarach.
Lider PKB Siarhiej Kalakin absalutna pierakanany, što apazycyja zrabiła pravilna, kali pryniała rašeńnie ŭdzielničać u parlamenckich vybarach.
«Jak u praciŭnym vypadku my b zmahli pakazać kankretnyja dokazy falsyfikacyi vybaraŭ? Jak by pakazali ŭsiu niedemakratyčnaść pracedury hałasavańnia eŭrapiejskim naziralnikam, jakija i nie zaŭsiody dobra razumiejuć, što takoje Biełaruś? Svaim udziełam u vybarach my nie dali taki padarunak uładzie».
Siarhiej Kalakin ahučyŭ ličbu papiaredniaha apytańnia vybarcaŭ pa jahonaj akruzie. Pavodle ich, lider kamunistaŭ nabiraje 34% hałasoŭ, deputatka pałaty Halina Palanskaja — 26%, a pradstaŭnik praŭładnaha KPB Jury Vaskrasienski — 9%. Inšyja jašče nia vyznačylisia z svaim vybaram.
«U mianie niama sumnievaŭ, što vybary buduć sfalsyfikavanyja. Razam z tym, my prarabili hihanckuju pracu ź ludźmi. Maja kamanda sustrełasia z tysiačami ludziej, ale tolki adzinki vykazvali da nas nehatyŭnaje staŭleńnie», — kaža Kalakin.
Što da mahčymaści traplańnia ŭ parlament niekalkich apazycyjnych kandydataŭ, to Kalakin skazaŭ, što jon vielmi sumniajecca, što heta buduć ludzi z ahulnaha śpisu ADS.
Kamientary