Deputaty i čynoŭniki zmohuć adpraŭlać «darmajedaŭ» u lačebna-pracoŭnyja prafiłaktoryi biez suda?
25 studzienia Łukašenka padpisaŭ «Dekret №1» — novuju viersiju «zakona ab darmajedach», jakaja praduhledžvaje admienu hrašovaha zboru, ale spłatu «darmajedami» subsidavanych dziaržavaj pasłuh pa ich poŭnaj canie.
Pakul što da Dekretu šmat pytańniaŭ — naprykład, nieviadomy dakładny śpis tych samych pasłuh.
Jość i inšyja niezrazumiełyja momanty.
U pryvatnaści, haradskimi i rajonnymi vykankamami musiać być stvorany kamisii, jakija buduć kaardynavać realizacyju dekreta.
U składzie kamisij buduć deputaty ŭsich uzroŭniaŭ, śpiecyjalisty orhanaŭ pa pracy i sacyjalnaj achovie, śpiecyjalisty z ŽKH, milicyi, vykankamaŭ i hramadskich arhanizacyj.
Pryčym dekret praduhledžvaje prava hetych kamisij prymać rašeńnie ab nakiravańni «pracazdolnych niepracujučych hramadzian, jakija viaduć asacyjalny ład žyćcia, u lačebna-pracoŭnyja prafiłaktoryi».
Zhodna ź ciapierašnim zakanadaŭstvam, los patencyjalnaha «klijenta» ŁPP siońnia vyrašaje sud. Niaŭžo ciapier budzie dastatkova rašeńnia kamisii? Ci čynoŭniki buduć nakiroŭvać svaje «pažadańni» ŭ sud?
Pakul što adkazu na pytańnie niama.
U Ministerstvie pracy i sacyjalnaj abarony «Našaj Nivie» paviedamili, što nie mohuć adkazać, jak budzie pracavać novy miechanizm nakiroŭvańnia ŭ ŁPP.
Kamientary