Historyja adbyłasia jašče ŭletku 2017 hoda: 20-hadovy chłopiec biez pravoŭ kataŭsia na matacykle. U jaho nie było šlema — heta pryciahnuła ŭvahu daišnikaŭ. Ale chłopiec vyrašyŭ nie spynicca, a ŭciačy. Pačałasia pahonia. U vyniku matacyklist źbiŭ 13-hadovuju dziaŭčynku, jakaja pierabiahała darohu pobač ź piešachodnym pierachodam.
Dalej pačałasia typovaja dla Alšan historyja. Na vulicy sabraŭsia natoŭp miascovych žycharoŭ, jakija patrabavali nie zatrymlivać adnaviaskoŭca, — maŭlaŭ, DTZ adbyłosia, bo jaho matacykł nibyta šturchnuli mašynaj daišniki.
«Viaskoŭcy svaimi dziejańniami pieraškadžali pracy milicyjantaŭ. U adkaz na zakonnyja patrabavańni supracoŭnikaŭ milicyi pakinuć miesca zdareńnia 42-hadovy mužčyna ŭžyŭ da ich hvałt», — paviedamlaje prakuratura Bresckaj vobłaści.
U vyniku daišniki zakrylisia ŭ mašynie i nie vychodzili, paviedamlaŭ padrabiaznaści tut.by. A jašče čaćviora miascovych (dvaim ź ich nie było jašče 18 hadoŭ) pačali bić pa milicejskim aŭto. Na miesca terminova pryjechaŭ navat milicejski načalnik sa Stolina.
Historyja skončyłasia tym, što dziaŭčynku špitalizavali, z parušalnikam razabralisia. A «abaroncaŭ» ciapier buduć sudzić.
Mužčynu, jaki pačaŭ kanflikt, zatrymali. Ciapier buduć sudzić za hvałt u dačynieńni da milicyi (a heta — da 6 hadoŭ pazbaŭleńnia voli).
Škodu, naniesienuju aŭtamabilu DAI, acanili na 1100 rubloŭ. Tych, chto jaje nanios, vinavaciać u złosnym chulihanstvie. Paŭnaletnija abvinavačanyja pad vartaj, niepaŭnaletnija na voli, pad padpiskaj.
Adkaznaść za złosnaje chulihanstva — taksama da 6 hadoŭ źniavoleńnia.
Darečy, sam matacyklist-biaspraŭnik, jaki źbiŭ dziaŭčynku, byŭ pakarany «chatniaj chimijaj».
Ciapier čytajuć
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu3636
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu36
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było3333
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było33
U Vialikaj Miadźviadcy adšukali mahiłu brata Ihnata Damiejki. Pahladzicie, jak spaskudzili carkvu pobač, jakuju naviedvaŭ suśvietna viadomy navukoviec1414
Kamientary