Piśmieńnica prosić novaha redaktara «Sovietskoj Biełoruśsii» skasavać prymusovuju padpisku
Piśmieńnica Jaŭhienija Pasternak napisała adkryty list novamu hałoŭnamu redaktaru haziety prezydenckaj administracyi «SB. Biełaruś siehodnia» Dźmitryju Žuku z prośbaj skasavać prymusovuju padpisku na svaju hazietu.
Jaŭhienija Pasternak pavinšavała novaha hałoŭnaha redaktara z pryznačeńniem, a potym uzhadała, što rabotnikaŭ mnohich dziaržaŭnych ustanovaŭ «pad pahrozaj zvalnieńnia ci pazbaŭleńnia premij» administracyja prymušaje vypisvać šerah peryjadyčnych vydańniaŭ, «faktyčna vymahajučy ŭ ludziej hrošy».
U hety śpis vydańniaŭ dla abaviazkovaj padpiski ŭvachodzić i hazieta «Sovietskaja Biełoruśsija».
«Vielmi spadziajusia, što Vy pakładziecie hetamu kaniec, — piša Jaŭhienija Pasternak u svaim liście da hałoŭnaha redaktara Dźmitryja Žuka. — Zrešty, navat kali Vy prosta zajavicie pra toje, što Vy suprać taho, kab hazietu «SB. Biełaruś siehodnia» naviazvali, ludziam budzie lahčej supraćstajać šantažu kiraŭnictva».
Jana prapanavała, kab žurnalisty haziety praviali rasśledavańnie, «chto nasamreč staić za «abaviazkovaj padpiskaj»».
Ciapier čytajuć
U Biełarusi množacca placoŭki dla tancaŭ na śviežym pavietry — pahladzicie, jak adpalvajuć razam moładź i piensijaniery ŭ Sierabrancy2
Kamientary