Dyrektar BelHard: Z 10 tysiač śpiecyjalistaŭ u śviecie z dypłomami ŭ halinie štučnaha intelektu 1700 padrychtavany ŭ Biełarusi
Hienieralny dyrektar BelHard Group Ihar Mamonienka na mižnarodnaj kanfierencyi AI-MEN raspavioŭ, što pa raźvićci technałohij štučnaha intelektu Biełaruś moža dahnać ZŠA, a ŭžo ciapier kala 17% usich vypusknikoŭ u śviecie pa hetaj śpiecyjalnaści padrychtavali ŭ Biełarusi.
Jon akcentavaŭ uvahu na toje, što kali ŭ zvyčajnaha startapa šaniec atrymać inviestycyi roŭny 1 da 10, to ŭ startapa, jaki pracuje sa štučnym intelektam (ŠI) — 1 da 2.
— Heta tema stała zvyšpierśpiektyŭnaj i zvyšprybytkovaj. Kali ŭ supracoŭnika IT-kampanii jość dypłom, jaki paćviardžaje navyki ŭ ŠI, jaho zarpłata aŭtamatyčna pavialičvajecca na $1500. Kali hetaha nie zrobić ciapierašni pracadaŭca, zrobić inšy, — ličyć śpiecyjalist.
Mamonienka aptymistyčna hladzić na raźvićcio technałohii ŭ našaj krainie.
Na jaho dumku, ZŠA apiaredžvajuć nas, ale ŭ našaj krainy jość šaniec ich dahnać.
— Pa ŭžo dasiahnutych pakazčykach Biełaruś zajmaje hodnaje miesca ŭ śviecie i, asabliva, u Jeŭropie. Va ŭsim śviecie ciapier naličvajecca 10 tysiač śpiecyjalistaŭ z dypłomami ŭ vobłaści ŠI, ź jakich 1 700 padrychtavany ŭ Biełarusi, — skazaŭ na zakančeńnie dyrektar BelHard.
Histaryčnyja +40,4°C u Pinsku — heta tolki razahreŭ. Biełaruś uvachodzić u novuju klimatyčnuju eru i na vačach stanie lesastepam14
Kamientary