Rasija nie viadzie pieramovy ź Biełaruśsiu ab raźmiaščeńni na terytoryi krainy svajoj vajskovaj bazy. Pra heta siońnia na pres-kanfierencyi ŭ Minsku zajaviŭ pasoł Rasii ŭ Biełarusi Alaksandr Surykaŭ, piša Tut.by.
«Nijakich pieramovaŭ ni pra jakuju bazu nie viadziecca», — skazaŭ Surykaŭ. «Kali takoje pytańnie budzie pastaŭlena, to jano budzie abmiarkoŭvacca», - dadaŭ jon.
Takim čynam pasoł Rasii ŭ Biełarusi prakamientavaŭ infarmacyju sa ŚMI, jakija pa-roznamu interpretavali niadaŭnija słovy ministra zamiežnych spraŭ Biełarusi Uładzimira Makieja. Nahadajem, padčas vizitu ŭ Brusel, jamu zadali pytańnie — ci moža prapanova Polščy ab raźmiaščeńni amierykanskaj bazy prymusić Biełaruś pierahledzieć svajo rašeńnie ab rasijskim vajennym prysutnaści.
«Na dadzieny momant my nie płanujem raźmiaščać na terytoryi Biełarusi novyja zamiežnyja vajskovyja bazy. Ale, hledziačy ŭ budučyniu, treba ŭličvać kroki, jakija buduć ździajśniać našy susiedzi», - adkazaŭ na heta kiraŭnik MZS Biełarusi.
Kamientary