U Šviecyi vyrašyli zmahacca z maštabnymi pažarami, skidajučy na ačahi bomby. Lasnyja pažary ŭ centralnaj častcy krainy praciahvajucca ŭžo 13 dzion.
Adzin ź lasnych pažaraŭ znachodzicca ŭ rajonie, dzie adbyvajucca vajskovyja strelby i mohuć być snarady, jakija nie razarvalisia. Heta ŭskładniaje dla pažarnych biaśpiečny dostup da ahniu na ziamli, a inšyja varyjanty tušeńnia dahetul plonu nie dali.
U sieradu Uzbrojenyja Siły adpravili dva źniščalniki Jas 39 Gripen, kab kinuć bombu ŭ jakaści apošniaha srodku. Vajskoŭcy spadziavalisia, što cisk ad vybuchu dapamoža strymać połymia.
«Kisłarod z ahniu možna vydalić z dapamohaj bomby, i tut hety varyjant možna było pasprabavać, tamu što ahoń raspaŭsiudziŭsia na palihon», — skazaŭ kiraŭnik pažarnaj i vyratavalnaj kamandy Jochan Šymanski.
Bombu GBU-49 skinuli z 3000 mietraŭ, jana dasiahnuła chutkaści 550 km/h, pierš čym trapić u cel. Vybuch zmoh patušyć pažary ŭ radyusie da 100 mietraŭ ad celi.
«Retranślatary vyklučyć, źniać i pakazać nam, što jany źniatyja». Zialenski patłumačyŭ, čamu pastaviŭ ultymatum i što maje zrabić Minsk27
Kamientary