Adpusknyja ceny na kamplekty adzieńnia dziełavoha stylu dla školnikaŭ sioleta pačynajucca ad 77 rubloŭ, paviedamiła BiełTA načalnik upraŭleńnia ŭnutranaha handlu i vystaŭnaj dziejnaści kancerna «Biellehpram» Śviatłana Kachro.
U kramach ceńnik budzie vyšejšy, da hetaj sumy dadasca handlovaja nadbaŭka.
Tak, dla chłopčykaŭ ceny na kamplekt pinžak — štany — kašula ajčynnaj vytvorčaści składuć: dla 1—4-ch kłasaŭ — 85—106 rubloŭ, dla 5—9-ch kłasaŭ — 96—125 rubloŭ, dla 10—11-ch kłasaŭ — 123—151 rubiel.
Kamplekt pinžak — kamizelka — štany — kašula abydziecca ŭ 101—130 rubloŭ dla vučniaŭ 1—4-ch kłasaŭ, u 113—152 rubli — dla 5—9-ch kłasaŭ, taki ž nabor dla staršakłaśnikaŭ abydziecca ŭ 151—181 rubiel (paznačanyja adpusknyja ceny z PDV, handlovuju nadbaŭku kramy vyznačajuć samastojna).
Nahadajem, u Ministerstvie antymanapolnaha rehulavańnia handlu raspaviali, u jakuju sumu biełarusam abyducca zbory dziaciej u škołu. U viedamstvie padličyli, što sioleta aptymalnaja ekipiroŭka, jakaja ŭklučaje ŭ siabie i adziežu, i abutak, i hałantarejnyja tavary — sumku abo raniec, kancylarskija prynaležnaści, abyducca baćkam školnikaŭ małodšych kłasaŭ (ź pieršaha pa čaćviorty) ad 145 da 750 rubloŭ. Adzieć i abuć starejšaha školnika daražej — ad 214 da 890 rubloŭ.
«Ja nie sustrakaŭ nivodnaha vajskoŭca, chto b nie pavažaŭ Drapataha»: na čale USU staŭ kamandzir novaha pakaleńnia. Što ŭjaŭlaje saboj Michaił Drapaty?
Kamientary