Pa internecie hulaje KARTA palityčnych kumiraŭ u jeŭrapiejskich krainach. Ale nichto nie razumieje, chto namalavany ŭ Biełarusi
U internecie znoŭ nabyvaje papularnaść «Mapa samych viadomych jeŭrapiejskich kiraŭnikoŭ» (Map of most famous European rulers), što źjaviłasia hod tamu.
Ad Rasii — Piotr I, ad Polščy — Jan III Sabieski, ad Litvy — Vitaŭt, ad Francyi — Napaleon, ad Isłandyi — Chryścijan Ch, ad Turcyi — Sulejman I Kanuni, ad Šviecyi — Hustaŭ Adolf.
Pry hetym u abmierkavańniach u internecie nichto nie razumieje, chto namalavany na terytoryi Biełarusi.
Jak vyśvietliłasia, heta turaŭski kniaź Iziasłaŭ, starejšy syn Jarasłava Mudraha. Vybar, miakka kažučy, nievidavočny.
Kniažyŭ u Turavie, napeŭna, z 1042 (zasnavalnik dynastyi Iziasłajeičaŭ), a ŭ 1052 atrymaŭ i pasad u Noŭharadzie. Paśla śmierci baćki (1054) staŭ vialikim kniaziem kijeŭskim. U 1058 zrabiŭ pachod i pieramoh zachodniabałckaje plemia holadź. U 1067 z bratami Śviatasłavam i Usievaładam vajavaŭ suprać połackaha kniazia Usiasłava Bračysłaviča, udzielnik Niamihskaj bitvy (1067). U čas pierahavoraŭ kala Oršy vierałomna zachapiŭ Usiasłava ŭ pałon i adpraviŭ u ciamnicu ŭ Kijeŭ. U vyniku narodnaha paŭstańnia ŭ 1068 hodzie Iziasłaŭ Jarasłavič skinuty z trona. U 1069 z dapamohaj polskaha karala Balasłava viarnuŭsia ŭ Kijeŭ, prahnaŭ Usiasłava z Połacka i pryznačyŭ na jaho miesca svajho syna Mścisłava Iziasłaviča, a potym — Śviatapołka Iziasłaviča. U 1073 vymušany pakinuć Kijeŭ, u 1077 znoŭ zachapiŭ kijeŭski tron. U Turaŭ na kniažańnie pasłaŭ syna Jarapołka Iziasłaviča. Iziasłaŭ Jarasłavič zahinuŭ u mižusobnaj baraćbie pad Čarnihavam. Adzin sa składalnikaŭ «Ruskaj praŭdy».
Udakładnieńnie. U pieršasnaj viersii artykuła śćviardžałasia, što na malunku zasłaŭski kniaź Iziasłaŭ, syn Rahniedy i Uładzimira.
Ciapier čytajuć
Małady rabotnik «Minsk-Areny» pavinien zapłacić 71 miljon dalaraŭ4
Małady rabotnik «Minsk-Areny» pavinien zapłacić 71 miljon dalaraŭ
«Darahija, viesialiciesia, hulajcie i kuraleście. Niachaj na staraść u vas budzie zapas dobrych pieražyvańniaŭ». Apošni hod Śviatłany Kurs — u jaje dopisach99
Kamientary