Padrabiaznaści spravy ahučvaje sb.by.
Hod tamu na terytoryi adnoj ź minskich škoł 22-hadovy chłopiec žorstka zabiŭ maładuju žančynu. U žniŭni 2018 hoda jon atrymaŭ 22 hady kałonii. Niadaŭna Viarchoŭny sud adchiliŭ apielacyju chłopca.
Pra padrabiaznaści spravy raspavioŭ śledčy Michaił Žukoŭski.
Małady čałaviek, jaki zabiŭ dziaŭčynu, raniej nie byŭ sudzimy. Žyŭ razam z maci, paśla škoły nidzie nie pracavaŭ. Baviŭ čas za kampjutaram: zachaplaŭsia anime i filmami z Brusam Li. Chłopiec navat dastaŭ niedzie maniekien i zrabiŭ sabie nunčaki. Pa viečarach vychodziŭ u les kala doma «adpracoŭvać pryjomy». Taksama mieŭ cełuju kalekcyju nažoŭ, u asnoŭnym, praŭda, iržavych.
Kali maci pytałasia ŭ syna, navošta jamu heta, to chłopiec adkazvaŭ, što rychtujecca da zombi-apaklipsisu.
U minułym vieraśni chłopiec išoŭ patreniravacca z nunčakami i sustreŭ znajomuju ź siabroŭkaj. Razam pajšli na dvor najbližejšaj škoły.
Chłopiec byŭ u strajkbolnaj mascy z nunčakami. Jon pačaŭ pakazvać dziaŭčatam «pryjomy», tyja navat zdymali jaho na videa.
Ale paśla znajomaja nahadała chłopcu daŭniuju spravu, kali jaje vinavacili ŭ kradziažy mabilnika, a chłopiec byŭ śviedkam. Jana vykazała chłopcu svaju kryŭdu. Toj u adkaz dastaŭ nož. Lohka paraniŭ siabroŭku svajoj znajomaj, taja źbiehła.
Paranienaja dziaŭčyna pahrukałasia ŭ škołu. Vartaŭnik vyklikaŭ milicyju. Za hety čas chłopiec užo źbieh.
Na školnym dvary zastałosia tolki cieła jaho znajomaj. Chłopiec udaryŭ jaje nažom bolš za 90 razoŭ.
Apieratyŭniki pahladzieli videa na mabilniku dziaŭčyny, ale chłopiec byŭ u mascy. Siabroŭka, jakoj udałosia ŝratavacca, uzhadała tatuiroŭku na dałoni zabojcy — trochvuholnik z vokam. Pa hetaj prykmiecie złačyncu i adšukali. Kali da jaho pryjšła milicyja, chłopiec spakojna spaŭ u svaim łožku.
Jak vyśvietlili ekśpierty, chłopiec mieŭ źmiašany razład asoby. Jon lohka razdražniaŭsia, byŭ abyjakavy da inšych ludziej. Taksama jon byŭ amataram paniuchać klej. Ale padčas zabojstva byŭ absalutna ćviarozym i ŭ adekvatnym stanie.
A hiennaja ekśpiertyza pakazała, što chłopiec datyčny da jašče adnaho złačynstva — jaho DNK znajšli na miescy abrabavańnia kijoska ŭ 2011 hodzie. Chłopiec pryznaŭsia, što zrabiŭ heta razam ź siabram.
Zatrymali i siabra. Jamu dali 2 hady źniavoleńnia.
A zabojca praviadzie ŭ kałonii nastupnyja 22 hady.
Ciapier čytajuć
«Ja nie sustrakaŭ nivodnaha vajskoŭca, chto b nie pavažaŭ Drapataha»: na čale USU staŭ kamandzir novaha pakaleńnia. Što ŭjaŭlaje saboj Michaił Drapaty?2
Kamientary