Paśla padliku 100% pratakołaŭ učastkovych vybarkamaŭ v.a. hubiernatara Prymorja Andrej Tarasienka zaručyŭsia padtrymkaj 49,55% vybarščykaŭ, paviedamlaje CVK. Heta aznačaje, što jon apiaredziŭ svajho kankurenta — kandydata ŭ kiraŭniki rehijonu ad KPRF Andreja Iščanku. Apošni nabraŭ 48,06% hałasoŭ. Dla pieramohi na vybarach treba nabrać prostuju bolšaść.
Paśla apracoŭki 50% pratakołaŭ Iščanka vyjhravaŭ z adryvam bolš za 7%: 52,38% suprać 45,05%. Pieravahu kandydat ad KPRF zachoŭvaŭ i paśla padliku 97,87% pratakołaŭ (50,37% suprać 47,11%). Hetyja dadzienyja byli apublikavanyja na sajcie CVK a 21:30 pa maskoŭskim časie. Paśla hetaha tabło z papiarednimi vynikami hałasavańnia nie abnaŭlałasia bolš za dźvie hadziny. Novaja infarmacyja źjaviłasia bližej da 0:00 17 vieraśnia. Paśla apracoŭki 99% pratakołaŭ lidzirujučuju pazicyju, pavodle materyjałaŭ Centrvybarkama, užo zaniaŭ Tarasienka (49,02%). Iščanka, pa dadzienych CVK, zaručyŭsia padtrymkaj 48,56% vybarščykaŭ.
Uvod dadzienych u sistemu HAS «Vybary» išoŭ z apiaredžańniem, rastłumačyŭ RBK člen CVK Jaŭhien Šaŭčenka. Pa dadzienych paśla apracoŭki 99,3% pratakołaŭ z vybarčych učastkaŭ, lidziravaŭ kandydat Tarasienka, zaŭvažyŭ jon, padkreśliŭšy, što ŭ apošniuju čarhu ŭvodzilisia dadzienyja z addalenych rajonaŭ kraju, u pryvatnaści, z horada Arsieńjeva. Adtul infarmacyja, pa słovach Šaŭčenki, prychodziła ŭ apošniuju čarhu.
Ciapier čytajuć
«Ja nie sustrakaŭ nivodnaha vajskoŭca, chto b nie pavažaŭ Drapataha»: na čale USU staŭ kamandzir novaha pakaleńnia. Što ŭjaŭlaje saboj Michaił Drapaty?
Kamientary