Dzie i jakija abjekty daždžavoj kanalizacyi buduć pabudavany ŭ najbližejšaj budučyni ŭ Minsku, ahienctvu «Minsk-Naviny» raspavioŭ hałoŭny inžynier HP «Harramliŭnieściok» Alaksiej Filčankaŭ.
— U Minsku raspracavana kompleksnaja prahrama budaŭnictva sietak daždžavoj kanalizacyi, u jakoj uličany ŭsie prablemnyja ŭčastki horada, — adznačyŭ A. Filčankaŭ. — Siarod ich, u pryvatnaści, ačyščalnyja zbudavańni ŭ mikrarajonie Krasny Bor i kalektar «Paŭdniovy Zachad». Jon pracuje ciapier u napružanym režymie, tamu što tudy padłučanyja vialikija pradpryjemstvy — CEC-4 i vodaačyščalnaja stancyja KUP «Minskvodakanał», jakija pastajanna skidajuć u jaho vytvorčyja vody. Padčas daždžoŭ dadajucca jašče i apadki, što vyklikaje ŭ niekatorych miescach pierapaŭnieńnie.
Kab razhruzić liŭnioŭki, raspracoŭvajecca prajekt novaha kalektara vialikaha dyjamietra dla pieranakiravańnia daždžavych vod. Kalektar mierkavana budzie budavacca ŭ rajonie Minskaj kalcavoj aŭtadarohi. Heta dapamoža likvidavać padtapleńni ŭ Maskoŭskim i Frunzienskim rajonach. U pryvatnaści, na praśpiekcie Dziaržynskaha i vulicy Hareckaha.
Kamientary