Na placoŭcy kala Pałaca Niezaležnaści Alaksandr Łukašenka aznajomiŭsia z novymi vidami zimovaj techniki, vyrablenaj u Biełarusi. U pryvatnaści, MTZ pakazaŭ biełaruskija ratraki i lodazalivačnuju mašynu, a pradpryjemstva «Misom AP» — śniehahienieratary, paviedamlaje BiełTA.
Ratraki — heta mašyny, jakija ŭščylniajuć śnieh dla padrychtoŭki łyžnych tras. Pakul što ŭ ratrakach dla ekśpierymientu ŭstalavali ad 32% da 59% biełaruskich elemientaŭ. Ale Łukašenka patrabuje, kab vytvorčaść była całkam ajčynnaja.
«Hałoŭnaje, kab heta ŭsio było biełaruskaje. Nie abaviazkova rabić na MTZ. Da nastupnaj zimy heta pavinien być čysta biełaruski ratrak, heta nie prablema. Samaje składanaje ŭ vas jość: enierhietyčny srodak, kabina, kiravańnie. A ŭsio astatniaje — heta elemientarna, — adznačyŭ Alaksandr Łukašenka. — U hetym hodzie vy zabiaśpiečvajecie nieabchodny abjom, jaki patrebny bijatłanistam, łyžnikam, z taho, što jość. U nastupnym hodzie heta technika pavinna być vyklučna biełaruskaj».
Akramia taho, kiraŭniku dziaržavy pakazali zroblenyja ŭ krainie muzyčnyja instrumienty: pijanina, hitary, cymbały, bałałajki, bajan. Prademanstravali i pieršuju biełaruskuju skrypku ručnoj raboty. Jaje za paŭtara miesiaca zrabiŭ dekan fakulteta tradycyjnaj biełaruskaj kultury i sučasnaha mastactva BDUKM Alaksandr Surba. Jon vykarystaŭ klon, jełku, čyrvonaje dreva.
Ciapier čytajuć
35‑hadovy dalnabojščyk ź Biełarusi raptoŭna pamior u Kitai. Heta muž samaj tytułavanaj biełaruskaj dziudaistki11
Kamientary