Biełaruskija navukoŭcy zarehistravali 2 kastryčnika novy vid ptušak dla našaj krainy — aŭsianku-remiez. Pra heta Tut.by paviedamiŭ arnitołah Dzianis Kiciel. Charakterna, što roŭna hod tamu, 2 kastryčnika, navukoŭcy ŭpieršyniu złavili ŭ Biełarusi aŭsianku-krošku.
— Stancyja kalcavańnia ptušak «Sasnovy Bor» hetaj vosieńniu pravodzić vyjaznyja adłovy na race Svolna kala vioski Lisna Vierchniadźvinskaha rajona. Baza raźmiaščajecca ŭ haściavym domie zakaźnika «Aśviejski». I na druhi dzień pracy — pośpiech: my złavili aŭsianku-remiez (Emberiza rustica). Heta pieršaja rehistracyja hetaha vidu dla Biełarusi, — raspavioŭ Dzianis Kiciel.
Aŭsianka-remiez hniazdujecca na poŭnač ad Biełarusi, na zimoŭku lacić u Aziju. Raniej navukoŭcy nie bačyli hetuju ptušku ŭ Biełarusi, choć jašče ŭ 1990-ch hadach jana hniaździłasia kala našaj krainy — u nacyjanalnym parku «Siebiežski» ŭ Pskoŭskaj vobłaści Rasii, adznačyŭ ekśpiert.
— Ciapier źjavilisia dokazy, što aŭsianka-remiez moža i da nas zalatać, — dadaŭ arnitołah.
Roŭna hod tamu, 2 kastryčnika 2017 hoda, Dzianis Kiciel znajšoŭ u Rasonskim rajonie aŭsianku-krošku, jakaja taksama stała novym vidam ptušak u Biełarusi.
Ciapier čytajuć
Histaryčnyja +40,4°C u Pinsku — heta tolki razahreŭ. Biełaruś uvachodzić u novuju klimatyčnuju eru i na vačach stanie lesastepam14
Kamientary