U Biełarusi chočuć padniać u 2019 hodzie minimalnuju zarabotnuju płatu da 330 rubloŭ - 95% minimalnaha spažyvieckaha biudžetu siamji z 4 čałaviek, paviedamlaje tut.by sa spasyłaj na Fiederacyju prafsajuzaŭ. Ciapier minimalnaja zarabotnaja płata składaje 305 rubloŭ.
Raniej premjer-ministr Siarhiej Rumas, pradstaŭlajučy prahramu dziejnaści ŭrada na 2018-2020 hady na pasiadžeńni Pałaty pradstaŭnikoŭ, zajaviŭ, što ŭ Biełarusi chočuć pavysić minimalnuju zarpłatu da minimalnaha spažyvieckaha biudžetu.
Raniej va ŭradzie zajaŭlali, što zajmajucca padrychtoŭkaj prapanovy pa bolš chutkim pavyšeńni minimalnaj zarpłaty, jaje chočuć pavyšać raz u kvartał. Ciapier minimałka pavialičvajecca adzin raz u hod - u studzieni.
Nahadajem, ułady płanavali da kanca 2018 hoda ŭstalavać pamier minimalnaj zarpłaty, jakaja zaraz składaje 305 rubloŭ, nie nižejšy za ŭzrovień siaredniedušavoha minimalnaha spažyvieckaha biudžetu dla siamji z čatyroch čałaviek i nie mienš za tracinu ad siaredniaj zarpłaty pa respublicy. Heta praduhledžana hienpahadnieńniem pamiž uradam, respublikanskim abjadnańniem najmalnikaŭ i prafsajuzami na 2016-2018 hady.
Biełaruś prykmietna sastupaje praktyčna ŭsim krainam-susiedziam pa pamiery minimałki (nižej hety pakazčyk tolki va Ukrainie).
Kamientary