BiełTA: Raim dačakacca pryhožaj daty — 9999 dzion kiravańnia Alaksandra Łukašenki
Artykuł pad zahałoŭkam «Jość nahoda: Łukašenka adznačaje śviata biaskoncaści» dziaržaŭnaje infarmahienctva pryśviaciła 8888 dniam jaho prezidenctva.
«Dziela spraviadlivaści varta adznačyć, što adpaviednymi padlikami zanialisia zusim nie ŭ Biełarusi, a na adnym z rasijskich infarmresursaŭ», — piša BiełTA.
«Tym nie mienš data pryhožaja, i varta padziakavać kaleham za toje, što dali nahodu ŭspomnić, što zroblena ŭ Biełarusi za minułyja 8888 dzion. Tym bolš što pośpiech lidara vymiarajecca nie dniami, a vynikami. I zroblena sapraŭdy niamała».
«Biełaruś, viadomaja svajoj miralubnaj palitykaj, hučyć i na mižnarodnaj arenie, u čym absalutnaja zasłuha kiraŭnika dziaržavy», — adznačajuć dziaržaŭnyja žurnalisty.
I rajać usim, chto zachaplajecca numarałohijaj, «dačakacca nastupnaj pryhožaj daty - 9999 dzion Alaksandra Łukašenki na pasadzie prezidenta. U siabroŭskim Biełarusi Kitai ličba 9 paznačaje vyšejšuju mužnaść, asacyjujecca z kiraŭnikom dziaržavy i jak raz simvalizuje viečnaść».
9999 dzień nadydzie praz try hady i piatnaccać dzion: 5 śniežnia 2021 hoda.
Kamientary