V.a. premjer-ministra Armienii Nikoł Pašynian, lider błoka «Moj krok», addaŭ svoj hołas na parłamienckich vybarach u Armienii, paviedamlaje TASS.
Pašynian zajaviŭ, što čakaje svabodnych i prazrystych vybaraŭ. «Naša meta - demakratyja, i my ŭžo ruchajemsia pa šlachu da jaje», - dadaŭ jon.
Taksama v.a. premjera padzialiŭsia razvahami na temu nizkaj aktyŭnaści vybarščykaŭ.
«Aktyŭnaść na parłamienckich vybaraŭ nizkaja, tamu što z ranicy nie byli arhanizavany transpartnyja srodki, jak heta było na ŭsich papiarednich vybarach. Viadoma, my nie ŭžyvajem takija mietady, jak byłyja ŭłady. Ja spadziajusia, što hramadzianie Armienii pojduć na vybarčyja ŭčastki i buduć hałasavać «, - adznačyŭ Pašynian padčas prostaha efiru ŭ Facebook.
Pa słovach Pašyniana, «hramadzianie mohuć nie sumniavacca, što vyniki vybaraŭ buduć zaležać vyklučna ad ich volevyjaŭleńnia».
Da źmieny ŭłady ŭ Armienii apazicyjnyja siły pieryjadyčna abvinavačvali kirujučuju Respublikanskuju partyju ŭ tym, što ich kandydaty arhanizoŭvali dastaŭku vybarščykaŭ, asabliva ludziej stałaha vieku, da učastkaŭ. Na dumku byłych apazicyjanieraŭ, heta źjaŭlajecca parušeńniem Vybarčaha kodeksa, tamu što moža paŭpłyvać na volevyjaŭleńnie hramadzian.
Pazačarhovyja vybary ŭ Nacyjanalny schod (parłamient) pačalisia ŭ Armienii ŭ 08:00 pa miascovym časie i praciahnucca da 20:00. U vybarach udzielničajuć dzieviać partyj i dva błoki. Kab trapić u parłamient, partyjam nieabchodna nabrać minimum 5% hałasoŭ vybarščykaŭ, błokam - nie mienš za 7%.
Kamientary