Vydaviectva «Biełaruskaja encykłapiedyja imia Pietrusia Broŭki» upieršyniu stvoryć encykłapiedyju pra piśmieńnika Uładzimira Karatkieviča, paviedamiŭ žurnalistam dyrektar vydaviectva Uładzimir Andryjevič, piša BiełTA.
«Uładzimira Karatkieviča šmat čytajuć našy hramadzianie, asabliva moładź, my vyrašyli vydać encykłapiedyju pra jaho. Chutčej za ŭsio, jana stanie pačatkam stvareńnia sieryi piersanalnaj encykłapiedyi z pracoŭnaj nazvaj «Litaratary našych sučaśnikaŭ». Bo misija našaha vydaviectva — na asnovie nacyjanalnaha pakazać Biełaruś, jakaja zajmaje dastojnaje miesca ŭ śviecie», — padkreśliŭ dyrektar vydaviectva.
Jon taksama adznačyŭ, što ŭ minułym hodzie hałoŭnym dasiahnieńniem vydaviectva stała zaviaršeńnie pracy nad trochtomnym piersanalnaj encykłapiedyjaj «Janka Kupała».
U hod 75-hodździa vyzvaleńnia Biełarusi ad niamiecka-fašysckich zachopnikaŭ vydaviectva praciahnie sieryju «Biełaruś. Trahiedyja i praŭda pamiaci». «U minułym hodzie vyjšli knihi pra Chatyń i Traściancy, a ŭ hetym na Minskaj knižnaj vystavie-kirmašy my prezientujem treciaje vydańnie sieryi - pra Navahrudskaje hieta», - raspavioŭ jon.
Kamientary