Ministr achovy zdaroŭja Ukrainy Uljana Suprun vykazałasia ŭ padtrymku vykarystańnia marychuany ŭ miedycynskich i navukovych metach.
«Ci apraŭdana takoje vykarystańnie? Navukoŭcy, lekary i pacyjenty pa ŭsim śviecie kažuć, što tak. Miedycynski kanabis dapamahaje palehčyć pakuty pacyjentaŭ i narmalizavać samaadčuvańnie pry šerahu ciažkich zachvorvańniaŭ i stanaŭ. Tamu vykarystoŭvać jaho ŭ miedycynie, viadoma z peŭnymi ahavorkami, narmalnaja suśvietnaja praktyka», — padkreśliła ministr.
Pavodle jaje słoŭ, miedycynskaja marychuana maje mnostva dakazanych lačebnych i palijatyŭnych efiektaŭ, i na dadzieny čas dazvolena ŭ mnohich krainach.
U pryvatnaści, marychuana vykarystoŭvajecca pry chvarobie Alchiejmiera, ankałohii, chraničnych bolach, epilepsii, posttraŭmatyčnym sindromie i ŭ inšych vypadkach.
U toj ža čas jana dadała, što kanabis maje i pabočnyja efiekty, tamu, pierad lubym pryznačeńniem, lekar pavinien uzvažvać karyść i ryzyki, rekamiendujučy jaje vykarystańnie.
Kamientary