«Biełyja miadźviedzi haniajucca za ludźmi, zachodziać u padjezdy» — nadzvyčajnaja situacyja na poŭnačy Rasii
Režym nadzvyčajnaj situacyi ŭviedzieny z 9 lutaha na archipiełahu Novaja Ziamla, jaki ŭvachodzić u skład Archanhielskaj vobłaści RF, z-za masavaha našeścia biełych miadźviedziaŭ na terytoryju nasielenych punktaŭ, piša TASS.
U rajonie pasiołka Białušaja Huba adznačanaja najaŭnaść 52 biełych miadźviedziaŭ. Adznačajucca vypadki ahresiŭnych pavodzinaŭ dzikich źviaroŭ - napadu na ludziej, praniknieńnia ŭ žyłyja i słužbovyja pamiaškańni. Uvieś čas na terytoryi pasiołka znachodziacca ad šaści da dziesiaci biełych miadźviedziaŭ.
«Ludzi napałochanyja, bajacca vychodzić z domu, parušajecca režym paŭsiadzionnaj dziejnaści, baćki aścierahajucca adpuskać dziaciej u škoły i dziciačyja sady», - paviedamlajecca ŭ dakładzie namieśnik kiraŭnika administracyi vobłaści.
Miadźviedzi ŭžo nie reahujuć na śviatłašumavyja sihnały, na sproby adahnać ich z dapamohaj patrulnych aŭtamabilaŭ i sabak.
Ale Raspryrodnahlad admoviŭ u atrymańni dazvołu na adstreł najbolš ahresiŭnych asobin — bieły miadźviedź adnosicca da redkich vidaŭ, jon zaniesieny ŭ «Čyrvonuju knihu».
«Ja na Novaj Ziamli ad 1983 hoda, ale nikoli raniej takoha masavaha našeścia biełych miadźviedziaŭ nie było. Nahadaju, bolš za piać žyvioł nie pakidajuć harnizon, u litaralnym sensie haniajucca za ludźmi i navat zachodziać u padjezdy žyłych damoŭ. Ale raz pryniata rašeńnie ab zabaronie adstrełu, pryjdziecca iści pa bolš doŭhim i mienš biaśpiečnym dla miascovych žycharoŭ šlachu. Usiaho pablizu nasielenych punktaŭ znachodzicca kala 50 miadźviedziaŭ, tamu raboty budzie šmat», - adznačyŭ kiraŭnik Novaj Ziamli Žyhanša Musin.
-
Ź bienzinam biada, a jeli na bardziury: byłaja frystajlistka Asol Śliviec z čatyrma dziećmi viartajecca z adpačynku ŭ Rasii
-
U Hrodzienskim zaaparku alpaka kataje na śpinie dahiestanskaje turania VIDEA
-
Biełaruskaja błohierka źjeździła ź siabroŭkami ŭ Picier i pierakananaja, što zasialiłasia ŭ kvateru z «pałterhiejstam»
Ciapier čytajuć
Śvieckaje žyćcio Darji Šmanaj: dni naradžeńnia dziaciej Kirkorava i Comedy Club10
Kamientary