Pra heta zajaviŭ Uładzimir Pucin siońnia na sustrečy ŭ Krasnaj Palanie z Alaksandram Łukašenkam, piša BiełTA.
«Niemałavažnym źjaŭlajecca naša supracoŭnictva ŭ śfiery mižnarodnych adnosin, situacyi ŭ rehijonie. Dla nas Biełaruś źjaŭlajecca najvažniejšym stratehičnym partnioram, sajuźnikam. I dla mianie vielmi važna źvieryć hadzińnik z prezidentam Biełarusi i pa hetych pytańniach, uklučajučy pytańni intehracyi na postsavieckaj prastory», — zajaviŭ rasijski lidar.
Uładzimir Pucin adznačyŭ, što z Alaksandram Łukašenkam u ich budzie mahčymaść pahutaryć u niefarmalnaj abstanoŭcy. «U nas budzie mahčymaść sustrecca i siońnia, pahavaryć i zaŭtra, i paślazaŭtra. U nas vialikaja prahrama i siońnia, i ŭ hetyja najbližejšyja dva dni», — skazaŭ jon.
U cełym prezident Rasii kanstatavaŭ, što biełaruska-rasijskija adnosiny raźvivajucca i macniejuć, Rasija zastajecca najbujniejšym handlova-ekanamičnym partnioram Biełarusi. Raźvivajucca i finansavyja adnosiny. Za apošnija hady biełaruskamu boku vydadzieny vialiki abjom kredytaŭ, u tym liku pa linii JEAES.
«U hetaj ža suviazi chacieŭ by adznačyć, što Biełaruś vielmi dyscyplinavanaja ŭ finansavym sensie. Vykonvaje svaje abaviazacielstvy. Heta dazvalaje nam pracavać pa bujnych prajektach. Ja maju na ŭvazie i budaŭnictva atamnaj elektrastancyi, jakoje znachodzicca ŭ zaviaršalnaj stadyi, — padkreśliŭ rasijski lidar. — Heta dazvalaje nam raźvivać adnosiny čysta handlovaha charaktaru ŭ roznych halinach, uklučajučy i sielhasvytvorčaść (z ahulnaha abjomu pastavak u Rasieju — heta 34% ź lišnim). Viedaju, što ŭ nas byvajuć tut šurpataści i prablemy. Ale tak, jak heta i naležyć, ale pamiž siabrami, spadziajusia, što hetyja prablemy buduć vyrašacca».
Uładzimir Pucin akcentavaŭ uvahu, što adnoj z najvažniejšych śfier supracoŭnictva źjaŭlajecca enierhietyka: «Abjomy pastavak vuhlevadarodaŭ — nafty i hazu — zachoŭvajucca na tym uzroŭni, pra jaki my z vami damaŭlajemsia».
Prezident Rasii taksama vykazaŭ nadzieju, što ŭ kiraŭnika biełaruskaj dziaržavy ŭ čas vizitu budzie mahčymaść vydzielić niekalki hadzin na adpačynak.
Ciapier čytajuć
«Za čatyry dni jaje trojčy ekstranna špitalizavali». Biełaruska trapiła ŭ emihracyjnuju turmu ŭ ZŠA paśla pobytavaj svarki z partnioram10
«Za čatyry dni jaje trojčy ekstranna špitalizavali». Biełaruska trapiła ŭ emihracyjnuju turmu ŭ ZŠA paśla pobytavaj svarki z partnioram
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary