«Chaču dobra razmaŭlać pa-biełarusku». Novaja čempijonka śvietu pa frystajle raskazvaje pra baćkoŭ, ambicyi i ŭkulele
Na Alimpijadzie-2018 Alaksandru Ramanoŭskuju pradstaŭlali jak samuju maładuju frystajlistku zbornaj — na toj momant joj było 22 hady. Adnak u jaje ŭžo chapała pieramoh: naprykład, dziaŭčyna dvojčy brała załaty miedal na čempijanatach śvietu siarod junijoraŭ.
Na Alimpijadu, viadoma, Saša taksama jechała pa pieramohu, ale ŭ toj dzień niaŭdała pryziamliłasia. Raskazvaje, što paśla doŭha adčuvała emacyjnuju spustošanaść, adnak užo letam całkam zmahła zabyć niaŭdaču, pierastroicca i treniravacca dla dasiahnieńnia novych vynikaŭ.
After a big crash, freestyle skier Aliaksandra Ramanouskaya slid down the slope on her side, but that didn't stop her from smiling. pic.twitter.com/Tre6vrUFYw
Padzieńnie Alaksandry tady napužała mnohich, ale jana padniałasia i, jak zaŭsiody, praciahvała paśmichacca.
Vynikam stała zołata čempijanatu śvietu ŭ łyžnaj akrabatycy: pieramohu ŭ amierykanskim Dzir-Veli Saša pryśviaciła lubimamu tatu, jaki śviatkavaŭ 7 lutaha dzień narodzinaŭ.
My źviazalisia z Sašaj, pakul jana znachodzicca na čarhovych spabornictvach u Maskvie (na etapie Kubka śvietu FIS joj vystupać 16 lutaha).
Pra baćkoŭ
Moj tata — z zachodniaj častki Ukrainy, maci — ź Minska. Paznajomilisia jany ŭ adnym z pachodaŭ u Karpaty. Matula ŭ maładości aktyŭna zajmałasia alpinizmam, pastajanna vandravała. Mienavita jana, zaciataja amatarka łyž, upieršyniu pastaviła mianie na ich u dziacinstvie.
Pra luboŭ da vandrovak
Ja lublu vandravać, i heta pieradałosia mnie jak i ad maci, tak i ad baćki: jon byŭ marakom handlovaha fłotu. Pakul u mianie nie pačalisia pastajannyja treniroŭki, my adpraŭlalisia ŭ pachody ŭsioj siamjoj.
Pra navučańnie
Da škoły alimpijskaha reziervu ja chadziła ŭ 1-ju himnaziju imia Francyska Skaryny. Paśla, asensoŭvajučy sama, što ŭ sučasnym śviecie lepš mieć vyšejšuju adukacyju, pastupiła ŭ Biełaruski dziaržaŭny piedahahičny ŭniviersitet. Paśla ja zmahu być nastaŭnicaj fizkultury ci mieniedžarkaj pa turyźmie. Spadziajusia, što viasnoj narešcie raźbiarusia z usimi pazykami i zmahu skončyć piaty kurs. Sport — sprava niaviečnaja, tamu zaŭsiody treba mieć niešta ŭ jakaści strachoŭki na budučyniu.
Pra nacyjanalnuju simvoliku i biełaruskuju movu
Mnie vielmi padabajucca biełaruskaja mova i kultura. Naša rodnaja mova vielmi pryhožaja. Kali jość volny čas, starajusia čytać knihi na biełaruskaj movie: i sučasnyja (naprykład, «Marginalis» Kiryła Stasielki) i kłasikaŭ (Uładzimira Karatkieviča). Maru adnojčy vyvučyć biełaruskuju movu tak, kab možna było razmaŭlać na joj svabodna, bo, pakul što, ščyra kažučy, bajusia rabić pamyłki, za jakija mnie budzie soramna. Dazvalaju sabie pisać pa-biełarusku tolki niejkija karotkija dopisy ŭ sacsietkach.
Na čempijanacie śvietu ja vystupała sa stužkaj z arnamientam u vałasach. Ja časam zachodžu ŭ kramu Symbal.by, mnie padabajucca rečy ź biełaruskaj tematykaj. U mianie jość paru majek z nadpisami na biełaruskaj movie (u adnoj ź joj ja ciapier u Maskvie), paviazka pad šlem ź sinim arnamientam.
Pra ŭkulele
Navučycca hrać na ŭkulele ja vyrašyła viasnoj: sama razvučvała akordy pa videŭrokach. Ja słuchaju roznuju muzyku, ale mnie bližejšy rok. Lublu zhadać toje, što słuchała jašče padletkam i padabrać na hitary što-niebudź z Blink-182 ci Green Day. Ja brała instrumient, kali my źjazdžali ŭ Amieryku na miesiac, i jon vielmi dapamahaŭ adciahnucca ad drennych dumak.
Pra mary
Paśla takoha surjoznaha startu vielmi ciažka sabracca. Ja vielmi chaču dobra vystupić na zimovaj Univiersijadzie, bo raniej nie ŭdzielničała ŭ takich spabornictvach. Chaču šmat treniravacca i atrymlivać ad hetaha zadavalnieńnie.
Z bytavoha — maru adnojčy žyć samastojna, naturalna. My tolki dva hady tamu z maci i baćkam pierajechali ŭ asobnuju kvateru (da hetaha žyli razam z babulaj i dziadźkam).
Pra treniera zbornaj pa frystajle
Toje, što našy frystajlisty demanstrujuć dobryja vyniki, — zasłuha našaha treniera Mikałaja Kazieki. Ja dumaju, jon viedaje sakrety, jakich nie viedaje bolš nichto. Časam niezrazumieła, ź jakich impulsaŭ jon prymaje niejkija rašeńni, my supraciŭlajemsia, a potym akazvajecca, što jany byli samymi słušnymi.
Piać faktaŭ pra hienijalnaha treniera frystajlistaŭ Mikałaja Kazieku
Ciapier čytajuć
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu3535
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu35
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było3333
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było33
U Vialikaj Miadźviadcy adšukali mahiłu brata Ihnata Damiejki. Pahladzicie, jak spaskudzili carkvu pobač, jakuju naviedvaŭ suśvietna viadomy navukoviec1414
Kamientary