U ZŠA adkryli šerah kryminalnych spraŭ u dačynieńni da złoŭžyvańniaŭ, učynienych ludźmi z kamandy prezidenta Ukrainy Piatra Parašenki. Pra heta paviedamlaje vydańnie «Dzierkało tižnia» sa spasyłkaj na svaje krynicy.
«Pa infarmacyi našych krynic, u Złučanych Štatach raspačali kryminalnyja spravy, padčas jakich rasśledujucca fakty roznych złoŭžyvańniaŭ, učynienych ludźmi z kamandy Parašenki. Pierš za ŭsio, havorka idzie pra vyvad i admyvańnie hrošaj. Tyja ž krynicy śviedčać, što niekatoryja fihuranty hetych spraŭ užo padpisali pahadnieńnie pra supracoŭnictva sa śledstvam i dajuć pakazańni», — havorycca ŭ artykule.
Na dumku aŭtara, «achviaraprynašeńnie Sytnika (kiraŭnika antykarupcyjnaha biuro Arcioma Sytnika — red.) Trampu administracyja prezidenta Ukrainy razhladaje jak deal, u vyniku jakoj amierykanski prezident zabaronić amierykanskaj sistemie «dahaniać «Parašenku i Kº».
Žurnalist adznačaje, što ŭ ZŠA niama favaryta na ŭkrainskich vybarach, adnak jany surjozna aścierahajucca ŭźniknieńnia «treciaha majdana» ŭ vyniku niepierakanaŭčaj lehitymnaści pieramožca.
«Tamu što destabilizacyjaj situacyi va Ukrainie moža znoŭ skarystacca Pucin. I tady amierykancy buduć vymušany na heta reahavać — značna bolš žorstka i bolš rašuča, čym heta adbyvajecca siońnia», — havorycca ŭ tekście.
Ciapier čytajuć
Biełarus-hruzčyk, jaki staŭ asabistym pamočnikam i davieranaj asobaj kiraŭnika rasijskaha Śbierbanka Hiermana Hrefa, sapraŭdy isnuje4
Kamientary