Pasoł Babič praihnaravaŭ žałobnyja mierapryjemstvy ŭ Chatyni, arhanizavanyja MZS
22 sakavika, u dzień trahiedyi Chatyni, miemaryjał naviedali ministr zamiežnych spraŭ Biełarusi Uładzimir Makiej i kiraŭniki zamiežnych dypłamatyčnych misij.
Uvahu «Našaj Nivy» źviarnuŭ fakt, što na ŭšanavańni nie prysutničali pasły dźviuch krain: Ukrainy i Rasii.
Pres-sakratar pasolstva Ukrainy skazaŭ nam, što Ihar Kizim płanavaŭ, dy nie zdoleŭ trapić praź miedycynskija pytańni — byŭ u balnicy.
A čamu nie pryjechaŭ Babič? Pres-sakratar rasijskaha pasolstva patłumačyŭ, što «jaho, prosta, na žal, nie było ŭ hety momant».
U toj ža čas, pavodle infarmacyi «Našaj Nivy», pasoł Babič u hety dzień znachodziŭsia ŭ Minsku, ale ŭ Chatyń nie pajechaŭ.
Zamiest Babiča ŭ Chatyni rasijskuju dypmisiju reprezientavaŭ daradca-pasłańnik Uładzimir Andrejeŭ, zamiest Kizima — Piotr Urubleŭski.
Nahadajem, što niezadoŭha da hetaha Ministerstva zamiežnych spraŭ Biełarusi i Babič abmianialisia rezkimi vypadami, paśla vykazvańniaŭ pasła Rasii ŭ intervju RIA «Novosti», dzie jon prakamientavaŭ biełaruska-rasijskija adnosiny, akcentavaŭšy ŭvahu na rasijskich datacyjach Biełarusi.
Čytajcie taksama:
MZS: Babič nie razumieje roźnicy pamiž fiederalnaj akruhaj i niezaležnaj dziaržavaj
Namieśnik Babiča pracavaŭ hienkonsułam u Simfieropali pierad anieksijaj Kryma
Syn Franca Klinceviča, uznaharodžany za anieksiju Kryma, uspłyŭ pamočnikam Babiča ŭ Biełarusi
Ciapier čytajuć
«Ja nie sustrakaŭ nivodnaha vajskoŭca, chto b nie pavažaŭ Drapataha»: na čale USU staŭ kamandzir novaha pakaleńnia. Što ŭjaŭlaje saboj Michaił Drapaty?77
Kamientary