Kamputary, a taksama nośbity infarmacyi, jakija milicyjanty zabrali padčas pieratrusu ŭ Mienskim ofisie «Biełsatu» śledčyja viarnuli praz dva dni, paviedamlaje telekanał.
U Śledčym kamitecie paviedamili, što pieratrus ładziŭsia ŭ miežach kryminalnaj spravy pavodle art. 188 KK — «Paklop». Ranicaju 9 krasavika a 8:55 pracaŭniki MNS chacieli śpiłavać dźviery ŭ mienskim ofisie «Biełsatu» šlifmašynaj, ale pradstaŭnik telekanału Mikoła Dziabioła vyrašyŭ uratavać majomaść ad škody i adčyniŭ.
Milicyjanty tady zabrali ŭsie nośbity infarmacyi i kamputary, ale nieŭzabavie ich viarnuli.
«My kaniečnie ciešymsia, što nam viarnuli aparaturu. Ale zastajecca pytańnie, a navošta naahuł było jaje zabirać? Hetaja pravierka aničoha novaha ŭ spravu nie ŭniesła. My ž nie admaŭlajemsia, što zrabili pamyłku. Tut usio detalova jasna. Tak, my pamylilisia, ale paprasili prabačeńnia i nadrukavali abviaržeńnie. Navošta była hetaja aparatura i što jana mahła ŭnieści ŭ spravu — niezrazumieła. My ciešymsia, što śledčyja apamiatalisia i viarnuli nam aparaturu», — raspavioŭ namieśnik dyrektara telekanału «Biełsat» Alaksiej Dzikavicki.
Nahadajem, 9 krasavika ŭ ofisie telekanała adbyŭsia pieratrus. Śledčyja zabrali 5 kampjutaraŭ. Telekanał jašče ŭ 2018 hodzie napisaŭ pra zatrymańnie hienierała Švieda, a heta akazałasia niapraŭdaj.
Čytajcie taksama:
Čamu trasuć «Biełsat»? Telekanał napisaŭ pra zatrymańnie hienierała Švieda, a heta akazałasia niapraŭdaj
Śledčyja viarnuli techniku «Biełsatu».
-
Šlacham Cichanoŭskaha: redaktarka rajonki i łukašenkaŭski błohier tak zachapilisia prablemami Barysava, što pryjšli da kramolnych vysnovaŭ
-
Dzie ciapier Kirył Kazakoŭ — były kiraŭnik STB, «chrosny baćka» Azaronka i inšych prapahandystaŭ?
-
Biełaruskamoŭny dziciačy časopis «Matulina soniejka» prypyniŭ svoj vychad
Ciapier čytajuć
Zialenski nazvaŭ, jakija retranślatary na miažy i biełaruskija pradpryjemstvy chvalujuć Ukrainu36
Kamientary